لەبارەی دابڕان/ پەیوەندی/

لەمساڵدا لە هەرێمی كوردستان 170 حاڵەتی دەسدرێژی سێكسی تۆماركراوە

26/09/2020


چالاكوانێكی مافەكانی ژنان و منداڵان رایدەگەیەنێت، لەمساڵدا 170 حاڵەتی دەستدرێژی سێكسی بۆ سەر منداڵانی تەمەن 4 ساڵ تاكو كەسانی تەمەن 29 ساڵ تۆماركراوە."

ئەمەل جەلال هەڵسوڕاو و چالاكوانی بواری مافەكانی ژنان و منداڵان بە دەنگی ئەمریكای راگەیاندوە "دەستدرێژی سێكسی بۆسەر منداڵان بە پێی دواین ڕاگەیەنراوی پزیشكی دادوەری لە هەرێمی كوردستان لە سەرەتای ئەمساڵ تاكو ئێستا 170 حاڵەتی دەستدرێژی سێكسی تۆماركراوە و لێكۆڵینەوەی تێدا كراوە كە لە ناویاندا تەمەنەكانی 4 ساڵ بۆ 29 ساڵ هەیە كە زۆرینەیان مێینەن."

دروستبونی ئەو حاڵەتانە دەگەڕێنەوە بۆ چەند هۆكارێك

ئاماژەی بەوەشكردوە،"دروستبونی ئەو حاڵەتانە دەگەڕێنەوە بۆ چەند هۆكارێك كە ڕەنگە سەرچاوەیەك بن بۆ دەستدرێژییكردنە سەر منداڵان لەوانە فەرامۆشكردنی منداڵان لەناو خێزانەكانیان و خستنە بەر كاریان لە ناو بازاڕ و سەر شەقامەكان، هۆكارێكی تریش ئەوانەی لەلایەن خێزانەكان خۆیانەوە ڕوبەڕوی دەستدرێژی دەبنەوە ئەوانەن كە دایكیان لە دەستداوە یاخود باوە ژنیان هەیە كە مامەڵەی دروستیان لەگەڵدا ناكرێت، لەلایەن نزیكەكانیانەوە ڕوبەڕوی دەستدرێژی دەبنەوە."

سەربارەت بە ڕێكخراوەكانی داكۆكیكار لە مافەكانی منداڵان و منداڵپارێزی، ئەمەل جەلال رایگەیاندوە،"ڕێكخراوە نێودەوڵەتیەكان و ڕێكخراوە ناحكومییەكان لە ناوخۆی هەرێمی كوردستادا بەردەوام لە هەوڵدان و كاریانكردوە بۆ پاراستنی مافەكانی منداڵان لە هەر بارودۆخێكدا بۆ ڕوبەڕوبونەوەی ئەو جۆرە حاڵەتانە."

باسی لەوەشكردوە،"هۆشیاركردنەوەی تاك و كۆمەڵگە كە چۆن بتوانن هەست بە بەرپرسیاریەتی بكەن لە ئاست كارە نەشیاوەكاندا، كاتێك ئەبینێت پارێزگاریی لێ بكەن یاخود لایەنی بەرپرس ئاگاربكەنەوە، هەمو ئەو هەنگاوانە نراون، بەڵام وەكو پێویست نەچۆتە پێشەوە و هێشتا كاریگەریەكی گشتی لەسەر تاك و كۆمەڵگە دروست نەكردوە، بۆیەش ئەو حاڵەتانە دەبینین و دەبیستین هەر وەك ئەوەی لەم چەند ڕۆژەی دواییدا بینیمان منداڵێكی تەمەن 10 ساڵان لەلایەن كەسوكارەكانیەوە دەستدرێژی سێكسی كراوەتە سەر."

نوێترین

© 2016 Dwryan.net. All Rights Reserved.
Developed by Avesta Group and powered by Microsoft Azure