لەبارەی دابڕان/ پەیوەندی/

فەرەنسا: لەشەڕداین دژ بە تیرۆری ئیسلامی

پێش 4 هەفتە


وەزیری ناوخۆی فەرەنسا رایگەیاند، وڵاتەكەی لەشەردایە دژ بە تیرۆری ئیسلامی، ئەویش دوای دوو رۆژ لەو هێرشەی لەبەردەم نوسینگەی پێشووی گۆڤاری شارلی هیبدۆ لە پاریس روویدا كە بەهۆیەوە دوو كەس برینداربوون.

جیراڵد دارمانان، وەزیری ناوخۆی فەرەنسا لەمیانی سەردانیدا بۆ كەنیسەیەكی جولەكەكان لە نزیك پاریس، رایگەیاند:"هاوڵاتیان تووشی دۆخێكی بێزاركەر بوون كاتێك بەردەوام گوێبیستی ئەوە دەبن كە هێزە ئەمنیەكانی فەرەنسا سێ ساڵە سەرقاڵی پوچەڵكردنەوەی پیلانی یەك لەدوای یەكن، كە وای لێهاتووە مانگانە هێرشی تیرۆریستی ئەنجام دەدرێت".

دارمانان ئەوەشی خستەڕوو :"رەوەندی جولەكە بوونەتە ئامانجی تایبەتی توندڕەوەكان بۆیە زیاتر لە حەوت هەزار پۆلیس سەرقاڵی پاراستنی ئاسایشی جولەكەكانن لەكاتی بەڕێوەچوونی مەراسیمی غوفراندا".

جێی ئاماژەیە گەنجێكی پاكستانی بە تۆمەتی هێرشەكەی سەر نوسینگەی پێشووی گۆڤاری شارلی هیبدۆ دەستگیركرا، لەكاتێكدا كە ئەو گەنجە وتوویەتی هێرشەكە پلان بۆدارێژراو نەبووە، بەڵام بەرپرسانی پاریس لێكۆڵینەوەیان لەگەڵیدا بەردەوامە، چونكە ئەو شوێنەی ئەو توندڕەوە هێرشەكەی تێدا ئەنجامداوە پێشتر نوسینگەی گۆڤاری شارلی هیبدۆ بووە كە كاریكاتێری لەسەر پێغەمبەری ئیسلام چەند جارێك بڵاوكردووەتەوە، لە ساڵی 2015 ش بەوهۆیەوە هێرشكرایە سەری و چەند كەسێك كوژران.

نوێترین

© 2016 Dwryan.net. All Rights Reserved.
Developed by Avesta Group and powered by Microsoft Azure