لەبارەی دابڕان/ پەیوەندی/

سەید ئەحمەد: هیچ توركێك وەك ئەردۆغان لەگەڵ كورد باش نەبووە

پێش 4 هەفتە


مامۆستایەكی ئایینی دیاری كورد كە ئێستا سەرۆكی لقی كوردستانی یەكێتی زانایانی جیهانە، لە چاوپێكەوتنێكدا بە شان وباڵی رەجەب تەیب ئەردۆغان سەرۆك كۆماری توركیا دا هەڵدەدات و دەڵێت هیچ توركێك وەك ئەو لەگەڵ كورد باش نەبووە.

 

د.سەید ئەحمەد، سەرۆكی لقی كوردستانی یەكێتی زانایانی جیهان، مامۆستای ئاینی كورد لەمیانی بەشداریكردنی لە بەرنامەیەكی كەناڵی ئێن ئاڕتیدا وتی "من پەیوەندی سیاسیم لەگەڵ هیچ لایەنێك نییە بەڵام وەكو مەسەلەی فكری و ئایدۆلۆژی و بیروباوەڕ عادەتەن ئێمە لەسەر ئەو بنەمایانە دەڕۆین، یەكێك ئەهلی ئیسلام بێت و نیشتیمانپەروەر بێت و مەدەنی بێت خۆشمان دەوێ".

سەید ئەحمەد وتیشی "ئەوەی ئەیڵێم و دەیكەم بەشێكە لە خواستی ریش و مێزەرەكەم پیشەكەم، شتێكی ئاساییە كە من وەكو موسوڵمانێك پێم خۆشە كەنیسەیەك كراوە بە مزگەوت ، شتێكی ئاساییە موسوڵمان پێی خۆش بێت هەموو شتێك بچێتەوە شوێنی خۆی، قودس بچێتەوە شوێنی خۆی مزگەوتی ئەقسا بچێتەوە شوێنی خۆی مەككە و مەدینە بچێتەوە شوێنی خۆی، هەروەها ئایا سۆفیاش، بۆچی پێی خۆشە كەنیسە بێت یان مۆزەخانە بەڵام پێی خۆش نییە مزگەوت بێت، ئەو خەڵكە ئەو هەڵچوونەی لەپای چی من شتێكی باشم كردووە".

سەید ئەحمەد دەڵێت "بۆچی ئەو خەڵكە لە ئەردۆغان دەترسێت ئەو هەموو توركە چەند ساڵە كورد دەچەوسێننەوە ئەمە پێی دەوترێ فیكەی حەرامزادە بەلای منەوە چی توركێكی تر پێشتر وەك ئەردۆغان باش بووە لەگەڵ كورد بۆچی بەمیانەوە گرتووە بۆچی شۆك بوون بە ئەردۆغان؟ جا ئەوە گوناحی خۆیانە وا ئەكەن ئەمە پەیوەندی بە ئەردۆغان و توركیا و هیچ وڵاتێكی ترەوە نییە من پەیوەندیم بە پیشەكەمەوە هەیە پەیوەندیم بە مرۆڤایەتیەوە هەیە".

لە كۆتایی قسەكانیدا سەرۆكی لقی كوردستانی یەكێتی زانایانی جیهان دەڵێت "  وەكچۆن سەدام كاتی خۆی ئۆتۆنۆمی دا بە كورد كە هەنگاوێكی مێژوویی بوو ئەردۆغانیش شتی باشی كرد لەگەڵ دۆسیەی كورد بە پشتیوانی پارتی دادوگەشەپێدان، بەڵام لێیان تێكدا و كەسانێك لێرە و لەوێ دەستیان تێخست و شتەكەیان خراپكرد ناوچە كوردیەكانیش باش ئاوەدان كراونەتەوە، ئەمە پەیوەندی بە ئاینەكەمەوە هەیە ئەمە پەیوەندی بە ئاینەكەمەوە هەیە".  

نوێترین

© 2016 Dwryan.net. All Rights Reserved.
Developed by Avesta Group and powered by Microsoft Azure