لەبارەی دابڕان/ پەیوەندی/ عربي/ English

عاشورای بابل!

08/09/2019


لەیلا حوسەین

وەرگێڕانی : هەورامان عەلی 

 

عاشورای بابل!

 خۆكوتان ، قورپێوان و جلدڕین وەك دەربرینی دڵتەنگی بۆ مەرگی ( تەموزی مەزڵوم) نەریتێكە خاوەنی ٥٠٠٠ ساڵ تەمەنە لەو عێراقەدا!
جەژن و بۆنە كۆنەكانی ئەكیتۆ تا شەش هەزار ساڵ لەمەو پێش شەش ڕۆژ بوو ، دواتر كرانە دە ڕۆژ. لە زۆر تێكستی سۆمەری و بابلیدا ، باس لە ئەفسانەی دووبارە گەرانەوەی ( تەموز) دەكەن بۆ ژیان. لە ئەفسانەی ئەفراندنی گەردوونی بابلیەكاندا ، جەژنەكانی سەری ساڵی تازە كە ساڵانە بەهاران ئەوكاتەی شەو و ڕۆژ ماوەكەیان یەكسان دەبێت ، دەستپێدەكات . سەرەتا خوداوەندی بڵ-مەردۆخ ( تەموز ) بە دیلی ڕاپێچی جیهانی ژێرەوەی دەكرێت و دەستبە سەری دەكرێت، بەڵام عەشتار دوای دە ڕۆژ گریان ، خۆكوتان وبەڕێوەبردنی ڕێوە و ڕەسمی دڵتەنگی توانی ئازاد ببێت ، بەمجۆرە هێزە خێرخوازەكان توانیان زاڵبن بەسەر هێزی شەروتاریكیدا!

ڕێوڕەسمی ماتەمگێڕی گشتی مێژوەكەی دەگەڕێتەوە بۆ بەرەبەیانی شارستانیەتەكانی میزۆپۆتامیا نزیكەی ٣٢٠٠ ساڵ پ.ز. ئەوكات لە بابل ساڵانە كەژاوە ئاینیەكان بە شەقامەكاندا تێدەپەرین و ماتەمینی گشتیان بۆ كۆستی خوادەوەندی تەموز (كە خواوەندی بەرەكەت و ڕۆزی بوو ) دوای دەسگیركردن و دەسبەسەركردنی وبردنی بۆ جیهانی ژێرەوە، پشێوی باڵی بەسەر گۆی زەویدا كێشا. پیاوە ئاینیەكان ئەو كەژاوانەیان ڕێكدەخست و خودی پاشای ولاتیش بەشداری تێدا دەكرد. ئەم كەژاوانە بەنێو شاردا دەگەران تا دەگەشتنە دەرگا بەناوبانگەكەی عەشتار و لەوێدا
ڤیستیڤالێكی دوانزە ڕۆژی دەستی پێدەكرد. لە ڕۆژی حەوتەمی ئەو ڤیستیڤاڵانەدا نمایشێكی دڵتەنگیانەی مەرگی خوداوەندی مەردۆخ پێشكەش دەكرا. ئەم ڤیستیڤاڵە ساڵانەیە لە پەرستگای مەردۆخدا كە دەكەوێتە نزیك ڕوباری فورات ، لەوێدا بە نمایشكردنەوەی چیرۆكی "ئەفراندنی گەردوون" كۆتایی دەهات.
جەژنی سەری ساڵی بابلیەكان لە ٢١ ئازار واتە جەژنی نەورۆزی خۆماندا دەستی پێدەكرد . لە ڕۆژی پێنجەمی ساڵی نوێدا ، بابلیەكان مەراسیمی هاوسەرگیری پیرۆزیان بەڕێوە دەبرد ، لەو مەراسیمەدا ئەكتەرەكان ڕۆڵی بوك و زاوایان لە دیمەنێكی درامیدا لە شانۆگەری ئەكیتۆدا نمایش دەكرد.

بابلیەكان لەو مەراسیمەدا لە ڕومەتی خۆیان دەدا، جلەكانیان لەبەرخۆیادا دەدڕی ، بەدەنگی بەرز و لاوانەوەی خەمگین مەراسیمەكەیان بەڕیوە دەبرد. لە ڕۆژی حەوتەم و دەیەمی ئەو مەراسیمەدا عەرەبانەكەی خوداوەند مەردۆخ بە خالی بە نێو شەقامەكاندا تێدەپەری وەك ئاماژەیەك بۆ مەرگی مەردۆخ ، كاتێك عەرەبانەكە دەگەشتە ئاستی هەر كەسێك دەنگی گریان و خۆكوتان بەرز دەبویەوە و بەم شێوەیە خەلكی بەشداری نارەحەتیەكانی خوداوەند عەشتاریان دەكرد كە لە دەیەمین ڕۆژی ئەم چیرۆكەدا مەردوخی خۆشەویستی لە دەستداوە.
..........

* ئەم بابەتە عەرەبیبوو لە نوسینی  ، من كردم بە كوردی

لینكی فەیسبوك

نوێترین

© 2016 Dwryan.net. All Rights Reserved.
Developed by Avesta Group and powered by Microsoft Azure