لەبارەی دابڕان/ پەیوەندی/ عربي/ English

لەنێوان جەلعاد شالیت ‌و چیجەك كۆبانیدا

26/10/2019


هەژار بابان

لەنێوان جەلعاد شالیت ‌و چیجەك كۆبانیدا

ساڵی 2006 تیرۆریستانی بزوتنەوەی حەماسی فەڵەستینی سەربازێكی ئیسرائیلیان بە ناوی جەلعاد شالیت رفاند، تاساڵی 2011 لەلایان مایەوە، لەماوەی ئەو پێنج ساڵەدا چەندین جار پیشانیاندا، كە چەند چەتەیەكی حەماس بە دەموچاو هەڵپێكراوی بەدەورییەوە دەر دەكەوتن، دواجار حەماس ‌و ئیسرائیل دیل بە دیلیان كرد، بەڵام چۆن دیل بەدیلێك، لەبەرامبەر ئازادكردنی شالیتدا كە یەك كەس بوو، ئیسرائیل 1027 دیلی فەلەستینی بەردا، ئەمەش لەكورتترین پێناسەدا بێ نرخیی گیانی ئەندامانی گروپی تیرۆریستی حەماس دەر دەخات كە هەزار كەسیان بەرامبەرە بە گیانی یەك كەس، پرسی رفاندنی چیجەك كۆبانیش هەمان شتە، چەتەكانی نوسرەو بەناو جەیشی حوڕ، چەندین لاشەیان وەك كەلاك لەبەردەستی شەڕڤاناندایە، چەندین ئەسیریان وەك گەماڵ بە چاوی شۆڕەوە لەلای شەڕڤانان كەوتوون، كەس بێزی نەهاتوە وێنەیەكیان لەگەڵ بگرێت، بەڵام ئەوان سێڵفی لەگەڵ كچە شەڕڤانێكی بریندار دەگرن، كە ئەمەش رێك نیشانەیە بۆ بێ نرخی گیانی ئەوان ‌و بەنرخی گیانی شەڕڤانێك، دور نییە ئەردۆغان‌ و چەتەكانی داوای ئازادكردنی چەند داعشێك بكەن لەبەرامبەر ئازادكردنی ئەو شەڕڤانەدا، پێویستە دەسەڵاتی رۆژئاوا ئامادەبن لەبەرامبەر ئازادكردنی چیجەكدا بە سەدان داعش بدەنەوە بە توركیا، بۆئەوەی بەنرخیی گیانی ئەو كچە دەر بكەوێت، مێژوی جەلعات شالیت لێرەش دوبارە ببێتەوە.

نوێترین

© 2016 Dwryan.net. All Rights Reserved.
Developed by Avesta Group and powered by Microsoft Azure