لەبارەی دابڕان/ پەیوەندی/ عربي/ English

بەپێی بەڵگەنامەیەكی نهێنی ژاپۆن ژنانی وەك بەندەی سێكسی بەكارهێناوە

09/12/2019


 
لەجەنگی دووەمی جیانیدا سوپای ژاپۆن ژنانی بەكارهێناوە بەمەبەستی چێژ یان وەك بەندەی سێكس بۆ سەربازانی سوپای وڵاتەكەی.

ئاژانسی ئەسۆشەیتدپرێس، بەپشت بەستن بە راپۆرتێكی تۆڕی خزمەتگوزاری هەواڵی كیۆدۆی ژاپۆنی، رایگەیاندووە: بەگوێرەی چەند بەڵگەنامەیەكی نهێنی سوپای ژاپۆن داوای لەژنانی كردووە چێژ بەسەربازانی وڵاتەكەی بەببەخشن، لەچوارچێوەی ئەو بەرنامەیەی كە بەسیستمی "بەندەی سێكس" یان "ژنانی چێژ" ناسراوە.
لەو بەڵگەنامە نهێنیەدا كەمێژوەكەی بۆ ساڵی 1938 دەگەڕێتەوە ئەوەش ئاشكراكراوە، هەر ژنێك بۆ 70 سەربازی ژاپۆنی تەرخانكراوە.

كێشەی "بەندەی سێكس" بابەتێكی مۆڕاڵی بوو لەنێوان كۆریای باشور و ژاپۆندا، بە تایبەت ئەو ژنانەی دەسەڵاتداران لەكۆریا، تایوان،  ئوسترالیا،  فلیپین و لەناوخۆی ژاپۆنیشەوە هێنراون.

 

تا ئێستاش چەندین كێشە و سكاڵا لەسەر ئەو بابەتە لە لایەن كۆریای باشورەوە لە دژی ژاپۆن ھێشتا لە ئارادایە و چارەسەر نەكراوە.
لە ساڵی 1993 یۆهی كۆنۆ سەرۆك وەزیرانی ئەو كاتەی ژاپۆن بە فەرمی داوای لێبوردنی لە بابەتی ژنانی چێژدا كرد، دانی بەوەدا نا كە سوپای وڵاتەكەی بە زۆر ئەو ژنانەی بەكارھێناوە لەو سەردەمەدا.

مێژوونووسان ئاماژە بەوە دەكەن لەو سەردەمەدا بە دەیان هەزار ژن ناچار كراون وەك بەندەی سێكس خزمەت بە سوپای ژاپۆنی  بكەن.

نوێترین

© 2016 Dwryan.net. All Rights Reserved.
Developed by Avesta Group and powered by Microsoft Azure