لەبارەی دابڕان/ پەیوەندی/ عربي/ English

بۆچی عەبای ئافرەتان رەنگی رەشە ؟؟؟

06/01/2020


بۆچی عەبای ئافرەتان رەنگی رەشە ؟؟؟
سامان حەمەغەریب

رەنگە ئەو پرسیارە زۆر جار لای ئێمە دروست بێت بەڵام نەمان زانیوە هۆكارەكەی چیە؟ ئایا بۆچی عەبای ئافرەتان دەبێت تەنها رەنگی رەش بێت بۆچی رەنگێگی تر نەبوە؟

دەگێڕنەوە لەكاتی خۆی بازرگانێكی عێراقی لەو كاتەی عێراق بنكەی زانست و زانیاری و رۆشنبیری و تەكنەلۆژیاو بازرگانی بوە، بڕێكی زۆری قووماشی ڕەشی كڕیوە، لەسەری ماوەتەوە و بۆ ماوەیەكی زۆر نەیتوانیوە بیانفرۆشێت، بیر لەوە دەكاتەوە چ جۆرە تەسویقێكی بۆ بكات، تابتوانێ ئەو قووماشە زۆرە بخاتە بازاڕەوەو پارەی خۆی دەست كەوێتەوە.

بانگی شاعیری ناوداری ئەو كات (سعید الدارمی) دەكات بۆ ئەوەی چەند هۆنراوەیەك بەسەر ئافرەتان بڵێت بە تایبەت ئەو ئافرەتانەی كە خۆشەویستی ئەكەن و عەبای رەش ئەپۆشن.

ئەوە بوو بیرۆكەكەی سەركەوتو بوو شاعیر ئەم چەند دێررەی بۆ نووسی:

قل للملیحە فی الخمارالاسود
ماذا فعلت براهب متعبد؟

قد كان شمر للصلاە ازاره
حتی مثلت له ببات المسجد

ئەم هۆنراوەیە بڵاوبویەوە لە گشت شار و كوچەو كۆڵانەكانی بەغدا و دەوروبەری بەوەش نەوەستا بڵاوبویەوە بۆ گشت دەوڵەتە عەرەبییەكان.

لەبەر ئەوەی بەغدای ئەو كات بنكەی رۆشنبیری و زانست و زانیاری بوو بۆیە گشت دەوڵەتە عەرەبییەكان لاسایی شێواز و كار و ئیش و پیشەی خەڵكی عێراقی ئەوسایان دەكردەوە لەگشت روانگەیەكەوە بە تایبەتی جل و بەرگ، بۆیە لەو كاتەوە بووە عادەت ئافرەت عەبای رەش دەپۆشێت و تائێستاش ئەم عادەتە پەیڕەو دەكرێت، جگە لەمەش رەنگی رەش جوانیەكی زۆر بە ئافرەت ئەبەخشێت.

نوێترین

© 2016 Dwryan.net. All Rights Reserved.
Developed by Avesta Group and powered by Microsoft Azure