لەبارەی دابڕان/ پەیوەندی/ عربي/ English

وەزارەتی ئەوقاف وتاری نوێژی هەینی كورتدەكاتەوە

27/02/2020


وەزارەتی ئەوقاف و كاروباری ئایینی رایگەیاند، وتاری هەینی مزگەوتەكان بەردەوام دەبن و لەپێناوی سەلامەتیی هاونیشتمانیانیش داوا لە مامۆستایان دەكرێت ماوەی وتار كورتبكرێتەوە.
 
نەبەز ئیسماعیل گوتەبێژی وەزارەتی ئەوقاف و كاروباری ئایینیی هەرێمی كوردستان رایگەیاند، لە كۆبوونەوەی وەزیری ئەوقاف و كاروباری ئایینی لەگەڵ راوێژكاران و بەڕێوەبەرانی گشتی و تێبینەرایەتییەكانی وەزارەت، بڕیاردرا بە بەردەوامیی وتاری رۆژانی هەینی لە مزگەوتەكان.
 
وتیشی"بۆ سەلامەتیی تەندروستی داوا لە مامۆستایانی ئایینی كراوە ماوەی وتارەكانیان كورتبكەنەوە".
 
نەبەز ئیسماعیل ئاماژەی بەوەشكرد، لە كۆبوونەوەكەدا داواكرا مامۆستای وتارخوێن رێنمایی خەڵك بكات لە چۆنێتی خۆپاراستن لە ڤایرۆسی كۆرۆنا و پاراستنی پاكوخاوێنیی مزگەوت.

نوێترین

© 2016 Dwryan.net. All Rights Reserved.
Developed by Avesta Group and powered by Microsoft Azure