لەبارەی دابڕان/ پەیوەندی/ عربي/ English

د.عەبدولواحید: لەڕوی زانستیەوە، منداڵ توانای سێكسكردنی هەیە!!!

10/05/2020


پزیشكێكی كورد كە لە هەمانكاتدا بانگخوازێكی ئیسلامییە، لەمیانی وتارێكیدا دەڵێت: لەڕوی زانستییەوە منداڵ نەك هەر "توانای پرۆسەی هاوسەرگیریی"ی هەیە، بەڵكو توانای سێكس كردنیشی هەیە و توانای منداڵ بەخێوكردنیشی هەیەو بۆ تەندروستی خۆیشی و مداڵەكەشی باشە!.

دكتۆر عەبدولواحید محەمەد، لەمیانی وتارێكیدا دەڵێت: پرسیارێك دەكەم وەكو دكتۆرێك!، ئەوانەی كە ڕێگری لە "زەواجی منداڵ"! دەكەن لەڕووی زانستییەوە، دواتر كێ باجی شێرپەنجەی مەمكەكانیان دەدات؟ كێ باجی كیس كردنی مەمكەكانیان دەدات؟ كێ باجی شیردانەكانیان دەدات!؟.

بانگخوازە ئیسلامیەكە كە پیشەی پزیشكیش دەكات، دەڵێت: "لەڕووی زانستییەوە منداڵ قابیلیەتی زەواجی هەیە، قابیلیەتی مومارەسەی جنسی هەیە، قابیلیەتی بەدایكبوونی هەیە!."

عەبدولواحید محەمەد یەكێكە لە بانگخوازە ئیسلامیەكان و بە وتارە پڕ لە سەیرو سەمەرەكانی ناسراوە و تائێستا چەندین جار لەدادگا داوای لەسەر تۆماركراوە، چالاكوانانی مەدەنی پێیان وایە وتارەكانی ئەم بانگخوازو دكتۆرە پڕیەتی لەبابەتی نازانستی و زەنگێكی مەترسیدارن بۆ سەر كۆمەڵی كوردەواری و ئاستی پێشكەوتن و رۆشنبیری لە هەرێمی كوردستان.

پێویستە ئەم دكتۆر و بانگخوازە لەسەر وتەكانی دادگایی بكرێت، چونكە هانی دیاردەیەكی ناشارستانی دەدات و وتەكانی بونەتە مەترسی بۆ سەر منداڵان بەگشتی و كچانی منداڵ بەتایبەت.

ڤیدیۆ

© 2016 Dwryan.net. All Rights Reserved.
Developed by Avesta Group and powered by Microsoft Azure