لەبارەی دابڕان/ پەیوەندی/ عربي/ English

گۆڕی خەلیفەیەكی ئەمەوییەكان هەڵدەدرێتەوە

28/05/2020


ماڵپەڕی حوڕەی ئەمریكی بڵاویكردەوە، میلیشیاكانی سەر بە ئێران لە شارۆچكەیەكی نزیك ئیدلب لە سوریا گۆڕی خەلیفە عومەر كوڕی عەبدولعەزیز هەڵدەكۆڵن كە یەكێك بوە لە خەلیفە بەناوبانگەكانی دەوڵەتی ئەمەوی.

ئاماژەی بەوەشكردوە، چەند میلیشیایەكی سەر بە ئێران دەستیانكردوە بە هەڵكەندن و تێكدانی گۆڕی عومەر كوڕی عەبدولعەزیزی خەلیفەی بەناوبانگی ئەمەوی.

ئەو ماڵپەرە باس لەوە دەكات ساڵی رابردوش هەمان گۆڕ لە لایەن میلیشیاكانەوە سوتێنراوە، ئێستاش گۆڕی عومەر و فاتیمەی كچی عەبدولمەلیكی هاوسەری و ئەبو زەكەریای مەنسوری كە پێشتر مجێوری گۆڕەكان بوە تێكدراون، كە كەوتوەتە شارۆچكەی دێر شەرق نزیك پارێزگاری ئیدلب لە باكوری رۆژئاوای سوریا.

لەگەڵ دەركەوتنی گروپە تیرۆریستی و توندڕەوە ئیسلامییەكان لە عێراق و سوریا، چەندین شوێنی مێژویی تێكدراون، لەوانە شوێنەوارەكانی موسڵ و تەقاندنەوەی مەزاری یونس پێغەمبەر لە لایەن داعشەوە.

عومەری كوڕی عەبدولعەزیز هەشتەم خەلیفەی ئەمەوییەكان بوە، ماوەیەكی كەم حوكمڕانی كردوە، لەگەڵ ئەوەشدا سەرچاوە مێژوییەكان بە كەسێكی دادپەروەرییان وەسفكردوە و بە پێنجەم خەلیفەی راشیدین ناو دەبرێت.

نوێترین

© 2016 Dwryan.net. All Rights Reserved.
Developed by Avesta Group and powered by Microsoft Azure