لەبارەی دابڕان/ پەیوەندی/ عربي/ English

مزگەوتی پێغەمبەری ئیسلام بە مەرج بەڕووی نوێژخوێناندا دەكرێتەوە

31/05/2020


 دوای زیاتر لە لە دوو مانگ داخستنی، مزگەوتی پێغەمبەری ئیسلام لە شاری مەدینەی وڵاتی سعودیە، بە رێكاری خۆپارێزییەوە، بە رووی نوێژخوێناندا كرایەوە . 

ماڵپەری سكای نیوز بڵاویكردەوە، ئەمڕۆ یەكشەممە، مزگەوتی پێغەمبەری ئیسلام كراوەتەوە بەڕووی موسوڵماناندا بۆ بەجێهێنانی ئەركە ئاینیەكانیان، بەمەرجێك پابەندبن بە تەواوی رێكارە تەندروستییەكانەوە . 


ئاماژە بەوەشكراوە، پێویستە هەركەسێك كە سەردانی مزگەوتەكە دەكات، پشكنینی پلەی گەرمی بۆ بكرێت و مزگەوتەكەش لەدوای ئەنجامدانی نوێژەكان پاكبكرێتەوە، بڕیاری ئەوەش دراوە، چیتر ئاوی زمزم دابەشنەكرێت هەتا كۆتایی بەم قەیرانە تەندروستییە دێت . 


لەدوای چەندین ساڵ لە بنیادنانی مزگەوتی پێغەمبەری ئیسلام، ئەمە یەكەمین جارە دابخرێت و هیچ چالاكییەكی ئایینی تێدا ئەنجام نەدرێت وەك یەكێك لە رێكارەكانی پاراستنی هاوڵاتیان لە مەترسی ڤایرۆسی كۆرۆنای نوێ .

نوێترین

© 2016 Dwryan.net. All Rights Reserved.
Developed by Avesta Group and powered by Microsoft Azure