لەبارەی دابڕان/ پەیوەندی/ عربي/ English

بەڤیدیۆ.. كۆرۆنا و مەلاو بانگخوازەكانی كوردستان - بەشی یەكەم

پێش 4 هەفتە


كاتێك سەرەتا نەخۆشی ڤایرۆسی covid - 19 كە بە "كۆرۆنا" ناسراوە، لە وڵاتی چین سەری هەڵداو هێشتا بەتەواوی جیهاندا بڵاو نەبووبوەوە، بەشێكی زۆر لە مەلا و بانگخواز و كەسایەتییە ئیسلامیەكانی كوردستان پەلەیان كردو لەوتارەكانیاندا ئاماژەیان بەو نەخۆشییە كرد، بەڵام نەك لەڕوی زانستی و مەترسییەكانی بۆسەر جیهان، بەڵكو زۆریان وەك "سەربازی خوا" پێناسەیان كردو وتیان كە ئەم دەردە بۆ كافرەكان هاتووە و خوا تۆڵەیان لێدەكاتەوە و لەناویان دەبات!.

بەڵام كاتێك كە نەخۆشییەكە لە تەواوی جیهان بە وڵاتە ئیسلامییەكانیشەوە و تەنانەت لە وڵاتی سعودیەو مەككە و مەدینەش بڵاوبووەوە و مزگەوتەكانی سعودیە داخران و تەنانەت دەرگای مەككەش داخرا و عەمرە ڕاگیرا، ئەمان بێدەنگییان لێكردو هیچ كەسێكیان كۆمێنتیان لەسەر بۆچونەكانی پێشوتریان نەبو!
 
لەڕاستیدا مەترسی نەخۆشییەكە و گیانلەدەستدان بەهۆی ئەو نەخۆشییەوە جیاوازی لەنێوان موسڵمان و ناموسڵماندا ناكات و پەتایەكی جیهانییە و وەك پەتاكانی پێشتر بڵاوبۆتەوە و پێویستە هەموو كەسێك وەك یەك خۆپارێزی بكات، بەتایبەت كەسانی بەتەمەن و ئەوانەی نەخۆشی درێژخایانیان هەیە.

ڤیدیۆ

© 2016 Dwryan.net. All Rights Reserved.
Developed by Avesta Group and powered by Microsoft Azure