لەبارەی دابڕان/ پەیوەندی/ عربي/ English

كوشتنی كچێكی چوار ساڵ میسر دەهەژێنێت

پێش 3 هەفتە


 روداوی كوشتنی كچێكی  چوار ساڵ لەلایەن منداڵێكی تەمەن 12 ساڵانەوە، میسر دەهەژێنێت و دەزگا ئەمنیەكانی ئەو وڵاتەش وردەكاری رووداوەكە و چۆنیەتی خنكاندنەكە بڵاودەكەنەوە.


بەگوێرەی هەواڵێكی رووسیا تودەی، پێنجشەممەی رابردوو لەیەكێك لەباڵەخانەكانی ناوچەی ئەوس-ی سەر بە پارێزگای جەزیرە، تەرمی كچێكی تەمەن چوار ساڵ دۆزرایەوە كە ئاسەواری خنكاندن بە حەبل بەملیەوە دیار بووە.


كچەكە لەگەڵ دایكیدا چوەتە بازاڕ، دواتر دایكی داوای لەكچەكەی كردووە بچێتە ماڵی باپیرەی كە نزیكە لەماڵی خۆیانەوە، پاشانیش منداڵەكە ون بووە.


دوای گەڕان بەدوایدا و پرسیاركردن لەدراوسێكانیان، منداڵەكە بەهەڵواسراوی لە ناو دەرگای سەرەكی باڵەخانەیەك كە پێشتر چۆڵكراوە لەشەقامی ناسیە دۆزراوەتەوە، پاشان لەرێگەی كامێرای چاودێریەوە لێكۆڵینەوە كراوە و دەركەوتووە كچە چوار ساڵەكە لەگەڵ منداڵێكی 12 ساڵ دەچێتە باڵەخانەیەكی چۆڵكراو.


سەبارەت بەچۆنیەتی رووداوەكە، پۆلیسی پارێزگای جەزیرە لێكۆڵینەوەی كردووە و ئەوەی خستووەتەروِو:" سەرەتا وتەی دایكی منداڵەكە و پاشانیش باوكی لەلایەن ئەفسەری لێكۆڵەرەوە وەرگیراوە، دواتر لەرێگەی كامێرای چاودێریەوە لێكۆڵینەوە كراوە و دەركەوتووە كچە چوار ساڵەكە لەگەڵ منداڵێكی 12 ساڵ دەچێتە باڵەخانەیەكی چۆڵكراو، بەڵام پاش كەمێك دەركەوتوە كە تەنها منداڵە 12 ساڵانەكە دەچێتە دەرەوە."


پۆلیسی ئەو پارێزگایە ئاماژە بەوەشدەكات:" دواتر لێكۆڵینەوە لەگەڵ منداڵە تەمەن 12 ساڵەكە ئەنجامدراوە و  و دوای لێكۆڵینەوەش دانی بەتاوانەكەیدا ناوە و كاریگەری تۆڕە كۆمەڵایەتیەكانی لەسەربووە".


 بكوژەكە وتویەتی، "پێشتر تەماشای گرتەی ڤیدیۆیی كوشتن و توندوتیژی و خنكاندنی لەرێگەی تۆڕە  كۆمەڵایەتیەكان بەتایبەت یوتیوب كردووە و ئەوەش كاریگەری لەسەری هەبووە بۆئەوەی ئەو تاوانە ئەنجامبدات، دوای ئەوەی كچە تەمەن چوار ساڵانەكەی لە سەر شەقام بەتەنها بینیوە، ویستویەتی گرتەیەكی ڤیدیۆیی خنكاندن دوبارە بكاتەوه".


 تۆمەتبارەكە بە كچە تەمەن چوار ساڵانەكەی وتوە:"دەتگەیەنمە لای دایكت بەڵام دواتر بردویەتیە باڵەخانەكە و لەرێگاش حەبلی سەبەتەی بەرزكەرەوەوەی بۆ باڵەخانەیەك دۆزیوەتەوە و لەگەڵ خۆیدا بردویەتی، دوای ئەوەی گەیشتونەتە باڵەخانەكە دەستی لەسەر دەمی كچەكە داناوە، حەبلەكەی كردوەتە ملی و پاشانیش كچەكەی كردوەتە سەر بەردێك و دواتر بەردەكەی لابردووە و شوێنەكەی جێهێشتووە."

نوێترین

© 2016 Dwryan.net. All Rights Reserved.
Developed by Avesta Group and powered by Microsoft Azure