لەبارەی دابڕان/ پەیوەندی/

دەوڵەتەكەی ئەردۆگانی ئیخوانی رێژەی لەشفرۆشی سێ بەقەدەر فەرەنسایە!

پێش 4 هەفتە


نیاز حامد

راپۆرتێكی بەڵگەدار..
دەوڵەتەكەی ئەردۆگانی ئیخوانی رێژەی لەشفرۆشی سێ بەقەدەر فەرەنسایە!.
سیستەمی ئیخوانی ئاكەپە ، رێگا بە لەشفرۆشی و هۆمۆ(نێربازیی) دەدات!..

تێبینی: ئەم وتارەم هەوڵێكە بۆ نیشاندانی نیفاقی ئیخوانی ئاكەپە پەیوەست بە هاندانی بازرگانی سێكسی و هۆمۆسێكشواڵ لە كاتێكدا بانگەشە بۆ ئیسلام دەكات . هیچ سوكایەتییەك بە ژن یا هۆمۆكان لەم وتارەمدا مەبەست نییە بەقەدەر ئەوەی ریسواكردنی ئەو قەلەمە خۆفرۆشانەی دەزگای شەڕی تایبەتە كە رێنماییەكانی دەوڵەتی توركیا جێبەجێدەكەن لە رەشكردنی شۆڕشی گەلی كورد كە پێشەنگایەتی گەلانی رۆژهەڵاتی ناڤین دەكات و، لەسەر پرسی ئازادییەكان لە فەرەنسا هانی تیرۆر دەدەن.

لە كاتی هەڵبژاردنەكانی سالێ ٢٠١٥ ، دواتریش چەندینجاری دیكە وتارگەلێكم نووسیوە سەبارەت بە پشتگیری ئاكەپە بۆ دیاردەی لەشفرۆشی لە توركیا ، ئەمە سەرباری پشتگیری و بەیاساكردنی دیاردەی هۆمۆكان . گەشتوگوزاریی سێكسی لە توركیا لە پلەی هەرە لە پێشەكانە بۆ داهاتی نەتەوەیی دەوڵەتی توركیا . بە یاسایی ژمارە 5237 مادەی 227 بۆ هەركەسێك یاگروپێك هەیە ماڵی لەشفرۆشی بكاتەوە ، بەمەرجێك مەرجەكانی تەندورستی تیدا بێت و باجی خۆی بدات، ئەم یاسایە ئاكەپەی ئیخوانی دەری كردووە. گەشتوگوازاری سێكسی نەك هەر دراوی قورس دەهێننە ناو داهاتی وڵات بەڵكو باجێكی زۆریش لە و ناوەندانەی لەشفرۆشی وەردەگیرێت ودەخرێتە سەر داهاتی گشتی ، كە هاوسەرەكەی ئەردۆگان چای تایبەتی پێدەكڕیت كیلۆی بە ٣٠٠٠ دۆلارە . یەكێ لەو ناوەندانە كە ژنێكی ئەرمەنی خاوەندارێتی لێ دەكرد تەنها بۆ ساڵی ٢٠١٣ بە تاقی تەنیا ١٠٠ هەزار دۆلار دابووە دەوڵەتی ئاكەپەی ئیخوانی ، تەنانەت وەك كەسێكی مولتەزیم پاداشت كرابوو لەلایەن وەزارەتی دارایی ئاكەپە. رێكخراوی دێرسفكات، راپۆرتیكی تێروتەسەلی بلاوكردۆتەوە بۆ سالی ٢٠١٣ ، كە دەوڵەتی ئاكەپەی ئیخوانی رێگای بە ٣٠٠ هەزار لەشفرۆشی بە رەسمی تۆماركراوی هەیە لە ٥٥ پارێزگا لە كۆی ٨١ پارێزگا توركیا كاردەكەن . پێدەچێت دوو ئەوەندەش یا زیاتر لەو ژمارە هەبێت بۆ خۆ دزینەوە لە باج، ئەمە بەتایبەتی ئێستاكە بەهای لیرە لە نزمیدایە،رێژەی هەژاری ونەداری لە بەرزبونەوەدایە ، ژمارەی لەشفرۆسەكان چەندین قات بووینەوە لە چاو ساڵی ٢٠١٣ .

بە مانایەكی دیكە دوڵەتی ئاكەپەی ئیخوانی هانی بازرگانی لەشفرۆشی و ناوەندەكانی هۆمۆ دەدات بۆ كۆكردنەوەی باج و هاندانی گەشتوگوزاری سێكسی. عەلی قەرەداغی گەورە ئیخوانی ، لە كاتی كزبوونی گەشتوگوزار لە توركیا ، داوای لە خەڵكی دەكرد بچنە دەوڵەتی ئاكەپە بۆ (رابواردن !). هەر لە راپۆرتەكەدا هاتووە كە زیاتر لە ١٥ هەزار ماڵی روخست پێدراو بۆ لەشفرۆشی هەیە . توركیا بەقەدەر هەموو ئەوروپا ، ناوەندی لەشفرۆشی هەیە ئەگەر ناوەندە شاراوەكانیش بخەینە سەریی ، چونكە وەك باسمان لێكرد بەشێكی هەرە زۆری چەند قاتی ئەو ناوەندانەی كە دەوڵەت بەرەسمی دەیانناسێت ، ناوەندی نافەرمیش هەیە.

توركیا بەقەدەر سێجاری فەرەنسا ناوەندی لەشفرۆشی تێدایە ، لەكاتێكدا ئەردۆگان خۆی وەك خەلیفەی ئیسلام نیشان دەدات ، فەرەنساش دژە ئیسلام. لە فەرەنسا دەوڵەتێكی سیكولارە ئازادییەكانی لەچاو توركیا دەیان قات زێدەترە ، لێ ئەردۆگان بۆ خاپاندنی موسڵمانان دێت بۆ مەرامەكانی دەسەلاتی و دامەزراندنی ئیمپراتۆریەتی عوسمانی پرۆپاگەندەی خاوەندارێتی بۆ ئیسلام دەكات.

دوای تێكچوونی رەوشی توركیا لە ٢٠١٥ ، هەتا دێت ئەم ناوەندانە روو لە زیادبوونن ، بەجۆرێك نەك هەر ماڵەكانی ئەو جۆرە بازرگانییە زێدە بووە ، بەڵكو ژنانی سەر جادەش دەقات زێدەبووە. تەنها داهاتی توركیای ئاكەپە لە بازرگانی لەشفرۆشی لە ٤ ملیار دۆلار بۆ دەیان لیار دۆلار پێش كۆڕۆنا بەرزبۆتەوە ، بەمەش دەیەمین دەولەت دەرچوو لە جیهان لەم جۆرە داهاتە بۆ خەزێنەی دەولەت.

دەبێ بوترێت ناوەندی رەسمی بازرگانی لەشفرۆشی پێش هاتنی ئیخوانەكان لە توركیا ساڵی ٢٠٠٢ تەنها ٦٥ ناوەند بووە. لە میانی ٨ ساڵی دوای حوكمی ئیخوانەكان لە توركیا ، ناوەندی لەشفرۆشی ٢٢٥٪ زیادی كردووە . لە كاتی هەڤدیتنە بەناودەنگەكەی پۆتین وئەردۆگان كە ، تێیدا ئەردۆگان بەزەلیلی چووە بەردەم پۆتین ، بە تەوسەوە گوتی: گەشتوگوزار لە توركیا خۆشە منیش حەزدەكەم بچم. ئەردۆگان كە ئاكەپەی ئیخوانی داژوات ، بەوەندە نەوەستاوە بەڵكو گەورەترین هەڵمەتی پرۆپاگەندەیی بۆ بوونی هۆمۆ كرد ، ئەمەش ژمارەیەكی هێجگار زۆری كەنداوییەكان بۆ توركیا پەلكێشكرد ، وەك داتاكان دەریدەخەن زۆرترین هۆمۆكان لە ولاتی كەنداون ، ئاكەپەی ئیخوانی هەموو ئەوانە دەكات بە یاسا رێكیخستووە و رێگا دەدات و، لەو پێناوەدا بەدەیان ملیار دۆلار بۆ داهاتی وڵات كۆدەكاتەوە تا شەڕی نەگریسی دژی بەگەلی كورد و ناوچەكانی دیكەی پێبكات.

بوونی دیاردەی لەشفرۆشی و هۆمۆ ، دیاردەیەكی نامۆ نییە لە هەر كۆمەڵگایەك هەبێت ، ئەم دوو دیاردەیە لە بنی مێژووەوە هەبووە، بەڵام ئەوەی نامۆیە ئاكەپەی ئیخوانی ئیدعای دەوڵەتی خیلافەی ئیسلامی دەكات كە چی تەنها توركیا بە قەدەر هەموو ئەوروپا ماڵی لەشفرۆشی تێدایە. ئەمە سەرباری ئەوەش دژی تەڤگەری ئازادی ناوەناوە لە دەزگای شەڕی تایبەت لێرەو لەوێ قەڵەمە سەرشۆڕەكان دەیانەوێت تۆمەتی ناڕەوا بخەنە سەر سیستەمی بەڕێوەبردن. تەڤگەری ئازادی مامەڵە لەگەڵ واقیع دەكات ، بۆ خۆی دەستی تێدا نییە لە دورستكردنی ، بەڵام ئەو واقیعە كە دەیەوێت مامەڵەی لەگەڵدا بكات هەموو لایەنەكانی لەبەرچاو دەرباز دەكات. بوونی دیاردەیی لەشفرۆشی و هۆمۆ لە جڤاك ، دیادەیەكە لە چوارچێوەی مافی تاك و مافەكانی جڤاك مامەڵەی لەگەڵدا دەكات ، ریشەیی ئەو دیادەیە كە لە گرفتە ئابوریی و سیاسییەكان یا لە سروشتی بەشەریی بەرهەم دێت .

نوێترین

© 2016 Dwryan.net. All Rights Reserved.
Developed by Avesta Group and powered by Microsoft Azure