لەبارەی دابڕان/ پەیوەندی/

بایكۆتی ئەقڵ

پێش 4 هەفتە


مەحمود عەبدوڵا

جارێكیتر دوای زیاتر لەچواردە سەدە ،ئەقڵێك سەردەبڕدرێت بەهەمان هەمان زهنیەت و  ئیمان . چواردە سەدە لەمەبەوبەر محەمەدی كوڕی عەبدوڵا سەری" كەعب"ی بڕی لەبەر ئەوەی دژایەتی خوڕافیاتەكانی محەمەدی دەكرد.

دوای زیاتر لەچواردە سەدە یەكێ لەلایەنگرانی محەمەد سەری مامۆستایەك دەبڕێت لەسەر ئەوەی كاریكاتێرێكی نیشانداوە، بەڵام دوای ئەو ڕووداوە موسڵمانان وەك هەمیشە قوربانیانكرد بەجەللاد، كار گەیشتە ئەوەی موسڵمانە كوردەكان بڕیاری بایكۆتی كاڵای فەڕەنسی بكەن،بەڵام لەڕاستیدا ئەمە بایكۆتی كاڵای فەڕەنسی  نییە، بایكۆتی ئەقڵی فەڕەنسیە، بایكۆتی مۆدێرنە و ڕۆشنگەریی لەژێر پەردەی بایكۆتكردنی كاڵای فەڕەنسادا. 

مەلاكان هەموو كاتێك دژی ئەقڵانیەت بوون، ئەوان هەمیشە دژی پڕۆژەی مۆدێرنە و ڕۆشنگەریبوون، هەموكاتێك فویان لە چرای ئەقڵانیەت و ڕۆشنگەری ئەوروپاكردووە، تا ڕوخساری نائەقڵانیانە و خوڕافییان لە تاریكستانی ڕۆژهەڵاتی ناوەڕاستدا دەرنەكەوێت. ئەوان هەمیشە ترساون لەوەی تیشكی ڕۆشنگەری پەردەی ئەوتاریكیە بدڕێت ،لەم پێناوەدا بۆساتێكیش شل نەبووە لەبانگەشەی دژە ئەقڵانیەت و مۆدێرن. لەڕاستیدا بایكۆتكردنی كاڵای فەڕەنسی جگە لە قۆستنەوەی دەرفەتێك بۆ بایكۆتكردنی ئاشكرای ئەقڵانیەت و كلتوری ڕۆشنگەری و مۆدێرنە وشارستانیەتی ڕۆژئاوا شتێكیتر نییە. ئەوا زیاد لەچواردە سەدەیە جەلادیەتیی ئیسلام وەك قوربانی خۆی نیشاندەدات.فاشیزمی ئیسلامی هەرلەسەردەمی محەمەدەوە، پاساو بۆ جەلادیەتی خۆی دێنێتەوە.لەكوشتن و سەربڕینی جولەكەكانی مەدینەوە تا سەربڕینی مامۆستاكەی فەڕەنسا. وەك قوربانی خۆی پیشاندەدات و بۆتە پاسەوانی ئەقڵ و ناهێڵێت ڕۆشنایی ئەقڵانیەت و پڕۆژەی مۆدێرن بگاتە ڕۆژهەڵاتی تاریك، ڕۆژهەڵاتی مرد و ڕۆژهەڵاتی چەق بەستوو. 

زیاد لەچواردە سەدەیە شمشێری ئیسلام لەسەر ملی ئەقڵانیەكانە، هەرسەرێك ئەقڵی تێدابوبێت یان بڕیویانە یان ئاوارەیانكردووە،زیاد لەچواردە سەدەیە بایكۆتی ئەقڵ دەكەن و بەناوی خوداوە سەری ڕۆشنگەرەكان دەبڕن لەڕۆژهەڵات  و ڕۆژئاوا. دەیان و سەدان ڕۆشنبیری عەرەب و فارس و كوردیان تیرۆركرد و هێندەشیان ئاوارەكرد، هێشتا خۆیان بەقوربانی دەزانن،هێشتا پێیان وایە ئەوان زوڵمیان لێدەكرێت.شمشێری زوڵمی ئیسلام گەلانی ئاسیاو ئەوروپای گرتەوە.خاكی ئەوروپایان داگیركرد،كچانیان كردن بەكۆیلەو كەنیزەك ،عوسمانیەكان سوپایەكی دڕندەیان بەناوی ئینكیشاری دروستكرد لەمناڵە ڕفێندراوە مەسیحیەكان هێشتا خۆیان بەقوربانی دەكەن.هەستێكی نەخۆشی فاشیستیانە لەناخی موسڵماناندایە كە لەڕابەرەكەیانەوە بەمیرات ماوەتەوە،ئەوكاتەی  محەمەد كە جولەكەكانی دەركرد ،ئەوكاتەی پیاوانی بەنوقوڕیزەی سەربڕی و ژن و مناڵەكانی كردە كۆیلە ،محەمەد وەك ئێستای موسڵمانان قوربانی كرد بەجەللاد و بێ یەك تۆز ژیری و سۆزی مرۆڤایەتیانە سەری بڕین.ئەوان لەپێناوخوا و بۆدلخۆشی خوداكەیان سەری مرۆڤدەبڕن!بەڕاستی لۆژیك لەوەنزمتر نابێت،ئەمە هیچ شتێك نیە و هیچ ناوێكی نییە جگە لە سایكۆس، ئیسلام بگاتە ناو هەرسەرێك توشی سایكۆسی دەكات.

ناتوانن ئەوهەستی دژە ئەقڵانیەتە بشارنەوە، ئەوەتا یەكێ لەمەلا ناسراوەكان دەڵێت:ڕقمە لێتان لەشارستانیەتتان،لەكلتورتان و...تاد.
ئەوكاتەش كە ئۆجالان گیرا ناودارترین و دۆگماترین مەلاوتی:ئیدی كاتی ئەوەیە تێبگەین كە كاتی ئەوەیە دەسبەرداری بیردۆزە و میردۆزەو ڕێچكەو پێچكەكانیان بین "ئەو كات ئەو مەلا دۆگماتیستە وتی :ئەوەتا ببینن لە ئەوروپا جێگای ئۆجالان نابێتەوە!بەڵام ئەو لەخۆی ناپرسێت كە چواردە سەدە زیاترە میللەتێك لەناو دۆگماتیزمی ئیسلامدا جێگای نابێتەوە،وەك نۆكەر نەبێت.ئەو لەخۆی ناپرسێت و بەخەڵك ناڵێت ئیمپراتۆرە ئیسلامیەكان كوردیان وەك سورەی بەرلەشكر بەكاردێنا بۆ داگیركردنی ئەوروپا،بۆشەڕی ڕوس و فارس.ئەو پێمان ناڵێت دەوڵەتی عوسمانی هۆزی ئازای هەمەوەندی ڕاگواست بۆ باكوری ئەفریقا،پێمان ناڵێت دەوڵەتی عوسمانی هەموو میرنشینە كوردەكانی لەناوبرد ...

بۆیە ئەم مەلایە فرمێسكی تیمساحی دەڕشت بۆ ئۆجالان،لەكاتێكدا ئۆجالان پێش هەركەس قوربانی دۆگماتیزمی ئیسلامییە ،ئیسلامی سیاسی بەتایبەت ئیخوان گەورەترین لەمپەرن لەبەردەم پڕۆژەكەی بۆ ڕۆژهەڵاتی ناوەڕاست و چارەسەری كێشەی كورد.ئەوە شتێكی ئاشكرایە و جاشایەتی ئيخوانیەكان بۆ ئەردۆگان و پڕۆژە سوڵتانیەكەی بۆهەموكەسێك ئاشكرایە.

لەبەر ئەوە دەبێت بزانین كە موسڵمانان لەنوستالژیادا دەژین،خەون بەڕۆژانێكەوە دەبینن كە حوكمی خوایان بەسەرخەڵكدا جێ بەجێ دەكرد،جەڵدیان لەخەڵك دەدا،دەستی خەڵكیان دەبڕی ،بازاڕی كۆیلەی ژنیان هەبو لەئەستەنبوڵ،بەڵام گەیشتنەوە بەوڕۆژگارە تەنها بەدابڕان لەڕۆژئاواو ڕۆشنگەری دەبێت،پێیان وایە.هەربۆیە هەموو هەوڵێك ئەدەن بۆ ڕێگری كردن لە گەشەكردنی ئەقڵانیەت . ئەوان خەون بەڕۆژگاری خەلیفەكانی ئۆسمانییەوە دەبینن، ئەوخەلیفانەی كە جگە لەجەنگ لەگە ڵ هەموو دونیاو وێرانكردنی كوردستان و دابەشكردنی هیچیتری پێنەبوو. خەون بەوەوە دەبینن سوڵتانەكانیان هەزاران ژنیان هەبێت ،و پێشی خۆیان بدات بۆجەنگ لەپێناو خوا،ئەوان خەون بە  زیندوكردنەوەی خەلافەتەوە دەبینن.لێ هەموو خەونە پڕوپوچەكانیان لەژێر پەردەی بایكۆتی كاڵای فەرەنسیدا دەردەبڕن.بەڵام ئەمڕۆ موسڵمانان تەیرە ئەبابیلەیان نییە و كافرانیش تەیارەی ئەبابیلەیان هەیە،كە پەلاماری ئەوروپابدەن ئەوا وەك پوش و كای خوراویان لێدێت،ئەفسانەكە دەبێتە واقیع و بەچاوی سەر دەبینن.

بەڕاستی كاردانەوەی موسڵمانان لەبەرامبەر ئەوكاریكاتێرەو قسەكانی ماكڕۆندا زۆر كۆمیدی تراژیدییە،ئەوان هەست دەكەن زوڵمیان لێكراوە،چونكە ناتوانن لەپێناو خوادا خەڵك بكوژن. موسڵمانە كوردەكان بەتایبەت ڕابەرانی ئیخوان زۆر خەمبارن كەناتوانن وەك نۆكەرێكی چاكی ئەردۆگان كوردستانی پێشكەش بكەن، ئاشكراترن و پیسترین خیانەت دەكەن،خیانەتی تازەو مۆدێرن تا بگەنەوە بە مەلا ئیدریس و سوڵتان لەپاداشتی ئەو نۆكەرایەتیەدا  پێیان بڵێت نۆكەرە خۆشەویستەكانم.بۆیە جارێكیتر ئیسلامیەكان شەڕ بۆ توركیا دەكەن و لەپێناو پڕۆژەی سوڵتانیەكەی ئەردۆگان شێت و هاربوون .

نوێترین

© 2016 Dwryan.net. All Rights Reserved.
Developed by Avesta Group and powered by Microsoft Azure