لەبارەی دابڕان/ پەیوەندی/

بەهۆی مەترسی هێرشی تیرۆریستی تاوەری ئیڤڵ لە پاریس چۆڵكرا

پێش 4 هەفتە


بەگومانی هەبوونی بۆمبێك، چواردەوری تاوەری ئیڤڵ و تاوەری كەوانەی سەركەوتن لە پاریس چۆڵكران و هێزێكی ئەمنییش لەو شوێنە بڵاوە پێكرا، ئەویش دوای ئەوەی دوێنێ جانتایەك كە هەندێك تەقەمەنی تێدابووە دۆزراوەتەوە.

هێزە ئەمنییەكانی پاریس رایانگەیاند: " جانتایەكیان دۆزیوەتەوە، پڕبووە لە چەك و تەقەمەنی كە لە نزیك تاوەری ئیڤل بەجێمابوو، دوای ئەوەی زەنگی هۆشیاركردنەوە لە بەرامبەر بوونی بۆمب لێدرا تاوەری كەوانەی سەركەوتنیش چۆڵكرا، هاتووچۆی ئۆتۆمبێل و میترۆ بۆ ماوەیەك لەو ناوچەیە راگیرا".

پێشتر لە رووداوێكی هاوشێوەدا لە كۆتاییەكانی مانگی رابردوو بە گومانی هەبوونی جانتایەكی تەقەمەنی دەوروبەری تاوەری ئیڤڵ چۆڵكرا، بەڵام دوای گەڕان و پشكنینەكانی پۆلیس هیچ تەقەمەنییەكیان نەدۆزییەوە و دوای چەند كاتژمێرێك هاتووچۆ ئاسایی كرایەوە.

ئەوە یەكەمجار نییە كە فەرەنسا رووبەڕووی رەخنەی موسڵمانەكان دەبێتەوە،پێشتر لە ساڵی 2015 لە هێرشێكدا بۆ سەر بڵاوكراوەی چارلی ئیبدۆ 12 كەس كوژران و 11 كەسی دیكەش بریندار بوون، هێرشەكەی ئەو كات بەهۆی بڵاوكردنەوەی كاریكاتێری محەممەد، پێغەمبەری ئیسلام بوو لەلایەن ئەو گۆڤارە فەرەنسییەوە.

لە هێرشێكی دیكەدا بۆ هەمان شوێن لە 25ـی مانگی رابردوو، هێرشێك لە شاری پاریسی پایتەختی فەرەنسا روویدا و چەند كەسێك بەهۆیەوە برینداربوون، هێرشەكە بە چەقۆ و لە نزیك ئۆفیسی پێشووی گۆڤاری "چارلی ئیبدۆ" روویدا. دواتر جیراڵد دارمانین، وەزیری ناوخۆی فەرەنسا بە میدیای وڵاتەكەی راگەیاند :"ئەو شوێنەی هێرشەكەی تێدا كراوە شەقامێكە كە پێشتر نووسینگەی گۆڤاری شارلی ئیبدۆی لێبوو و هێرشەكەش بەو جۆرەی بینراوە وادەردەكەوێت كاری  ئیسلامییە تیرۆریستەكانە".

نوێترین

© 2016 Dwryan.net. All Rights Reserved.
Developed by Avesta Group and powered by Microsoft Azure