لەبارەی دابڕان/ پەیوەندی/

كاریكاتێری ئەمجارەی گۆڤارە فەرەنسییەكە لەسەر ئەردۆغانە

پێش 4 هەفتە


 گۆڤاری شارلی هیبدۆی فەرەنسی رەجەب تەیب ئەردۆغانی كردووەتە كاریكاتێری ئەمجارەی، ئەوەش كاردانەوەی توندی توركیای بەدوای خۆیدا هێناوە.

لە ژمارەی ئەمڕۆ چوارشەممە 28ی تشرینی یەكەمی 2020، گۆڤاری شارلی هیبدۆ كاریكاتێرەكەی بڵاوكردووەتەوە، كە پێشتر رایگەیاندبوو بڵاویدەكاتەوە.

شارلی هیبدۆ لە سەر كاریكاتێرەكەی ئەردۆغان نووسیویەتی "ئەردۆغان لە كاتی تەنیاییدا خۆش دەژی".

لەكاریكاتێرەكەدا ئەردۆغان دەردەكەوێت كە خەریكی خواردنەوەی شەرابە و بە دەستێكی جلوبەرگی ژنێكی باڵاپۆشی لە دواوە بەرز كردووەتەوە.

بەهۆی دەستوەردانەكانی سەرۆكی توركیا لە لیبیا و سووریا و دەریای ناوەڕاست، پەیوەندییەكانی نێوان فەڕەنسا و توركیا گرژی تێكەوتووە.


لەیەكەم كاردانەوەی ئەو كاریكاتێرەدا ئیبراهیم كاڵن، وتەبێژی سەرۆكایەتیی كۆماری توركیا لە هەژماری خۆی لە تویتەر نوسیویەتی "ئەو كاریكاتێرەی لەسەر سەرۆكمان لە گۆڤارە فەرەنسییەكەدا بڵاوكراوەتەوە كە رێزی بۆ هیچ بیروباوەڕ و پیرۆزی و بەهایەك نییە، بە تووندی سەركۆنە دەكەین".

نوێترین

© 2016 Dwryan.net. All Rights Reserved.
Developed by Avesta Group and powered by Microsoft Azure