(عومەر مەحمود عوسمان) ناسراو بە (ئەبو قەتادەی فەلەستینی) ساڵی 1960 لە (بیت لحم) لە فەلەستین لەدایك بووە و لە منداڵیدا كۆچی كردووە بۆ ئەردەن، ئەویش یەكێكە لە تیۆریسینەكانی سەلەفیەتی جیهادیە كە ساڵی 1999 بە پێی بڕیارنامەی 1267ی نەتەوە یەكگرتووەكان بە هۆی هاوكاری كردنی قاعیدە و تاڵیبان، داواكرا. لەبەر ئەوە دەوڵەتی ئەردەن بە شێوەی غیابی بە 15 ساڵ بەندكردنی حوكمی دا.
هەروەها ئەبو قەتادە تاوانبارە بە هێرشی تیرۆریستی سەر خوێندنگەیەكی ئەمەریكایی لە ئەردەن لە ساڵی 2000دا
 
ئەبو قەتادە ماوەیەك لە كوەیت نیشتەجێ بوو، بەڵام دوای شەڕی یەكەمی كەنداو بە ئامانجی وەرگرتنی پەنابەری سیاسی بە پاسپۆەرتێكی ساختە رۆیشت بۆ بەریتانیا.
دوای روداوە تیرۆریستیەكەی ساڵی 2005 لە لەندەن بە تاوانی هاوكاری ئەنجامدەرانی ئەو كارە تیرۆریستیە دەست بەسەر كرا و ساڵی 2013 رادەستی ئەردەن كرایەوە.
رادەست كردنەوەی ئەبو قەتادە بۆ ئەردەن بەپێی رێككەوتنێكی نێوان بەریتانیا و ئەردەن بووە و دوای ئەوەی لە ئەردەن دادگایی كرایەوە بە هۆی نەبوونی بەڵگەی پێویست لەسەر تاوانبار بوونی ئازاد كراوە.
 
ئەمەریكا ئەبو قەتادە بە باوكی مەعنەوی ئەنجامدەرانی هێرشە تیرۆریستیەكانی 11 سێپتەمبەر دەزانێت
 
چونكە بەپێی لێكۆڵینەوەكانی دەزگای زانیاری ئەمەریكا لە ماڵی ئەنجامدەرانی هێرشە تیرۆریستیەكانی ئەمەریكا لە هامبۆرگ وانەكانی ئەبو قەتادە دۆزراونەوە
فەتواكانی ئەبو قەتادە كە پابەندی قوتابخانەی فكری قاعیدەیە، تا ئێستا لە شەڕە خوێناویەكانی جەزائیر و لوبنان و عێراق و ئەفغانستان و سوریا و ... كردووە و بۆتە هۆكاری رژانی خوێنی هەزاران هاوڵاتی بێتاوان.
 
 
جیی ئاماژە پێكردنە دوای دەركەوتنی داعش، ئەم تیۆریسینە جیهادیە هەڵوێستی توندی خۆی بەرامبەر داعش دەربڕی و ئەوانی بە (خەواریج و سەگەكانی دۆزەخ) ناوبرد. ئەمە لە كاتێكدا بوو كە تەنیا بەرەی نوسرە كه بە‌ باڵی سوریای قاعیده هەژمار دەكرێت، بە نوێنەری راستەقینەی جیهادیەكانی سوریا پێناسە دەكات.
ئەبو قەتادەی فەلەستینی بە پلەی دووەم هاتووە وەك بەناوبانگترین تیۆرسین و داڕێژەری گوتار و تیۆرەكانی رەوتی سەلەفیزمی جیهادیی ئەوەش لە رێگەی بڵاوبوونەوەی كتێبێكی كاریگەر و گرنگ لە بواری جیهاد و ئیجتیهاد بە ناونیشانی (تاملات فی المنهج) لە ساڵی 1999.
 
 ئەم بابەتە بەردەوام نوێدەبێتەوە..