سەرەتا/ لەبارەی دابڕان/ پەیوەندی/

ژنانی پێشەنگ

08/02/2021



سۆما خالید

كاتێك ژنان داوای یەكسانی بوون لەگەڵ پیاوان دەكەن،  مەبەستیان پیاوی خراپ نیە بەلكو دەیانەوێت لە كۆمەڵگادا وەك مرۆڤ سەیر بكرێن، نەك تەنیا به بیر و هزر و بازووی پیاوان بەڵكو بەهاوبەشی ژنانیش بناغەی كۆمەڵگا دابنرێت.
 
هەر بویە دەسەڵات پێویستە ئەوە بزانێت، كە ئەو ژنانەی دەنگ بەرز دەكەنەوە هیچ هێز و ترسێك نییە بیانوەستێنێت، پێیانوانەبێت دەتوانن بەسەریاندا زاڵ بن و دەنگیان كپ بكەن، چونكە لەهەر ساتێكدا بێت نارەزایەتی ژنان دەتەقێتەوە و لە بناغەوە هەڵیدەتەكێنێت، كەسیش توانای شكاندنی ئیرادەیان نامێنێت و شكست دەهێنن.

پاشان پێویستە پیاوان پاڵپشتی ژنان بكەن و نرخی روڵ و پێگەیان بزانن تا لە تەواوی بوارەكانی كۆمەڵگا وەك ژیانی كۆمەڵایەتی و سیاسی و رۆشنبیریدا دەستیان هەبێت، هەر وەك چۆن لە دێر زەمانەوە ژنانی كورد شانبەشانی پیاوان ڕۆڵێكی بەرچاویان هەبوە لە شۆرشگێڕ وخەبات و بەرەنگار بوونەوە بۆ پاراستن و مانەوەی كلتوور و نەتەوەكەمان، كە شوێن پەنجەی خۆیان دەرخستووە، ئەمەش دەرخەری ئەو ڕاستیەیه كە بە سەدان ژنی بەتوانا و لێهاتوو و بوێر لەبوارە جیاجیاكاندا بوونیان هەیە، كە شایانی رێز و شانازین بۆ گەلی كورد. هەر وەك ناپلیۆن لە وەسفی ژندا دەلێت: "ئەو ئافرەتەی كە بە دەستێك لانك ڕادەژەنێت دەتوانێت بەدەستەكەی تری جیهان بلەرزێنێت". كەواتە ئێوەش ژن وەك مەزنێك ببینن.

هەرچەندە مافەكانی ژنان لەچاو ساڵانی رابردوو جیاوازیەك بەدی دەكرێت بەڵام وەكو پێویست جێی خۆی نەكردوەتەوە، بەلكو بەلارێ بردنی مافەكانی ژنان بە دیوێكی تر كاریگەری‌ لەسەر ژیانی ژنانی ئازادیخوازان دروستكردووە، كە ئەمەش بە پلانێكی دارێژراو جێبەجێی دەكرێت تا ژنان لەشوێنی خۆیان بوەستێنن، چونكە لەهێزی ژنان و كچانی رۆشنبیر و شۆرشگێر دەترسن و دەزانن لەهەر كات و ساتێكدا بێت دەتوانن گۆڕانكاری و وەرچەرخانی نوێ بۆ دەستەبەركردنی مافەكانیان دروست بكەن

نوێترین


کاریکاتێر

وێنەهەواڵ

© 2016 Dwryan.net. All Rights Reserved.