سەرەتا/ لەبارەی دابڕان/ پەیوەندی/

ئيبن عوسەيمين:
هەركەسێك باسى پێكەوەژيان بكات "خوێن و ماڵ و موڵك و هاوسەری حەڵاڵە"

05/05/2021


يەكێك لەو سەرچاوانەيە سەلەفيەكان ڕەچاوى فەتواكانى دەكەن
ئيبن عوسەيمين: ئەوەى باسى پێكەوەژيان بكات "خوێن و ماڵ و موڵك و هاوسەری حەڵاڵە"

تايبەت
وەرگێڕانی: بابان حەمە

 
پرسیارێكى لەبارەى پێكەوەژیان و نزیكبوونەوەی ئایينەكان لێدەكرێت و ئەویش وەڵام دەداتەوە و فەتوای تەكفیكركردنی تەواوەتی دەدات، جگە لەوە سەرو ماڵ و هاوسەرى ئەو كەسانەش حەڵاڵ دەكات كە باسى "پێكەوەژيان" دەكەن!..

ئەبو عەبدوڵا محەمەد بن ساڵح بن محەمەد كە ناسراوە بە "ئیبن عوسەیمین" (موفتی، بانگخواز، راڤەكار و شیكەرەوەی قورئان، فەرمودەی پێغەمبەری ئیسلام و فەقێیەكی ناوداری سعودییە. یەكێكە لە رابەرانی سەلەفیەت و لەسەر ئاستی جیهان سەلەفییەكان پشت بە فەتوا و بۆچونەكانی دەبەستن.) ئەو فەتوایەی عوسەیمین كە چوار مانگ پێش مردنی لە سەر نزیك بوونەوەو پێكەوەژیانی ئاینەكان باسی كردووە، زمانێكی ئاشكراو بێ گرێ و گۆڵە بۆ تەكفیر كردن و حەڵاڵكردنی موڵك و ماڵ و هاوسەر و خێزانی ئەو كەسانەی پێیان وایە نزیكبوونەوە و پێكەوەژیانی ئاینەكان دروست و بێ كێشەیه..

دەقی پرسیارو وەڵامەكەی شێخ عوسەیمین:
پرسیار: لێرەو لەوێ هەندێك هەن بانگەشەی لێكنزیككەوتنەوەی ئاینەكان دەكەن، راشیدەگەیەن كە ئیسلام و جوو مەسیحییەكان لەسەر بنەمای یەكتاپەرستی كۆكن، ئایا حوكمی كافربوونیان دەدرێت؟ بۆچوونتان لەسەر ئەم پرسە چییە؟
شێخ عوسەیمین: "من وای دەبینم، ئەوە كافرە دەڵێت ئاینەكانی ئیسلام و یەهودی و مەسیحیی كۆك و تەبا بن لەسەر كوفر، درۆش بەدەم خواو پەیامبەری خواوە دەكەن، ئەوەشی درۆی بەدەم خواو پەیامبەری خواوە كرد، بێ هیچ گومانێك كافرە، كافرە ئەگەر نوێژ و رۆژوو بگرێت و زەكاتیش بدات و حەجیشی بەجێ هێنابێت!".

ئەگەر ببینيت مەسیحییەك بڵێت: الله یەكێكە لەو سیانەی تر (باوك و كوڕ و رۆحی پیرۆز) .. ئەوە كافرەو رازییە بە شیرك و كوفر، بە چ شێوەیەك كۆك و تەبان لەكاتێكدا یەكێك ئەڵێت عیسا كوڕی خوایەو یەكێكی دی بڵێت عوزێر كوڕی خوایەو یەكێكیشیان بڵێت ﴿قُلْ هُوَ اللَّهُ أَحَدٌ (1) اللَّهُ الصَّمَدُ (2) لَمْ يَلِدْ وَلَمْ يُولَدْ (3) وَلَمْ يَكُنْ لَهُ كُفُوًا أَحَدٌ (4)﴾ ؟ بەوەی ئەو كارەش دەكات (پێی وابێ كە ئاینەكانی وەك یەهودی و مەسیحی یەكتاپەرستن).. درۆ بەدەم خواو پەیامبەری خواوە دەكات و كافرە.. "خوێن و ماڵ و موڵك و هاوسەری حەڵاڵە".. كە مردیش هیچ رێز و بەهایەكی نییە و وەك كەلاكێك فرێ دەدرێتە نێو چاڵێكەوە بۆ ئەوەی خەڵكی لە بۆنی تۆپیوی ئازار نەچێژن.. رێگەش نەدراوە بۆ هیچ كەسێك داوای لیێخۆشبوونی بۆ بكات كە بەو بیروباوەڕەوە بمرێت.

ئاینە ئاسمانییەكان ئەو ئايینانەن كە بەردەوامییان هەیەو درێژەیان هەیە، كە هەڵوەشایەوەو كۆتاییان پێهات وەك ئاین نامێننەوە، یەهودییەكان كاتێك موسا راسپیێراو لەسەر شەریعەتی ئەو بوون باوەڕداربوون و لەسەر ئاینی ئیسلام ئەژمار دەكرێن.. مەسیحییەكانیش بەهەمان شێوە، بەڵام دوای راسپاردنی پەیامبەری ئیسلام و هاتنی ئاینی ئیسلام .. هەموویان بە كافر ئەژمار دەكرێن و هیچ كارو پەرستنێكیان لێ وەرناگیرێت .. وەك لە قورئاندا هاتووە: ﴿وَمَن يَبْتَغِ غَيْرَ الْإِسْلَامِ دِينًا فَلَن يُقْبَلَ مِنْهُ وَهُوَ فِي الْآخِرَةِ مِنَ الْخَاسِرِينَ﴾ .

ئەوەى جێگاى سەرنجە، بەشێك لە موسڵمانانى كورد بەتايبەت سەلەفى و توندئاژۆكان، گوێڕايەڵيى فەتواكانى ئيبن عوسەيمين و هاوئاوازەكانى دەبن و بەشێك لەمەلاو بانگخوازە كوردەكانيش هەميشە لە مينبەرو سۆشيال ميدياكانيانەوە بۆچون و وتەى ئەم سەرچاوانە بۆ پێكەوەژيانى ئاينيى بە نمونە دەهێننەوە!.

بۆ زانيارى زياتر لەبارەى ئيبن عوسەيمين، كليك لێرە بكە:


لەم لینكەوە دەتوانن گوێبیستی دەقی فەتواكەی (عوسەیمین)  ببن.


نوێترین


کاریکاتێر

وێنەهەواڵ

© 2016 Dwryan.net. All Rights Reserved.