سەرەتا/ لەبارەی دابڕان/ پەیوەندی/

"هێرشكارەكەی نەرویج پێشتر موسوڵمان بوونی خۆی ڕاگەیاندووە"

14/10/2021


پۆلیسی نەرویج زانیاری لەبارەی ئەو كەسە بڵاوكردەوە كە بە تیروكەوان هێرشێكی لە كۆنگسبێرگ ئەنجامدا و بەهۆیەوە پێنج كەس كوژران و چەند كەسێكی دیكەش برینداربوون.

 

وەك پۆلیسی نەرویج ئاشكرایكردووە: ئەو هێرشكارەی دەستگیركراوە هاوڵاتییەكی دانیماركییە و لە كۆنگسبێرگ نیشتەجێیە و تەمەنی 37 ساڵە، بەدووریشی نازانین هێرشەكە پاڵنەری تیرۆریستی هەبێت.

 

لەلایەن خۆشیەوە تەلەفزیۆنی دووی نەرویج بڵاویكردووەتەوە، هێرشكارەكە تیروكەوان و چەقۆی پێبووە، پێشتریش بووە بە موسوڵمان و پێشینەی نەخۆشیشی هەیە، بەڵام تائێستا دەسەڵاتدارانی ئەو وڵاتە زانیاریەكەیان پشتڕاست نەكردووەتەوە.

 

پۆلیسی نەرویج ڕاشیگەیاندووە چیتر بەدوای گومانلێكراوی دیكەدا ناگەڕێن و هێرشكارەكە بەتەنیا ئەوكارەی ئەنجامداوە.

 

پێشتریش نەرویج هێرشی هاوشێوەی لەلایەن چەند یەمەنییەكەوە تێدا ئەنجامدراوە كە توندڕەوی ئیسلامی بوون، یەكێك لەو هێرشانەش لە ساڵی 2011 بوو كە بەهۆی تەقاندنەوەی بۆمبێكەوە لە ئۆسلۆ 77 كەسی كوشت.

نوێترین


کاریکاتێر

وێنەهەواڵ

© 2016 Dwryan.net. All Rights Reserved.