سەرەتا/ لەبارەی دابڕان/ پەیوەندی/

وێنە- كۆڕی توندوتیژی و كاریگەرییە دەرونییەكان بەڕێوەچوو

16/10/2021


پلاتفۆڕمی دابڕان و فێمێنیزمی ڕۆشنگەری سەر بە تۆڕی ناوەندی ڕۆشنگەری چاودێر كۆڕێكی بەناونیشانی (توندوتیژی و كاریگەرییە دەرونیەكان) بۆ نوسەر تریفە عەلی سەعید رێكخست.

 

كۆڕەكە ئەمڕۆ شەممە 16/10/2021 كاتژمێر سێ و نیوی پاشنیوەڕۆ لە هۆڵی شەهید ئازاد هەورامی لە تۆڕی ناوەندی ڕۆشنگەری چاودێر لە سلێمانی بەڕێوەچوو.

 

توندوتیژی بابەتێكی لۆكاڵی نییە و لە زۆربەی شوێنەكانی دنیا بوونی هەیە

لە كۆڕەكەدا تریفە عەلی وتی: ئەو بابەتەی من پەیوەستە بە هۆكارە دەرونیەكانەوە، هەندێك شت بیری ئێوە بێنێتەوە كە ڕۆژێك لە ڕۆژان بیروەریەكی لەوشێوەیەت هەبووبێت، بابەتی توندوتیژی زۆر قسەی لەسەر كراوە، بابەتێكی لۆكاڵی نییە و لە زۆربەی شوێنەكانی دنیا بوونی هەیە.

 

ئەو بابەتە زیاتر لە گۆشەنیگای كەلتور و ئاین و دەسەڵاتەوە ئاماژەی پێكراوە

ئەو نوسەرە باس لەوەشدەكات: ئەو بابەتە زیاتر لە گۆشەنیگای كەلتور و ئاین و دەسەڵاتەوە ئاماژەی پێكراوە، بەرای من لایەنێك وونە، ئەو لایەنەش لایەنی نەخۆشییە دەرونیەكانە.

 

 نوسەر وەڵامی پرسیاری ئامادەبووانی دایەوە

دوای پێشكەش كردنی بابەتەكە تریفە عەلی نوسەر وەڵامی پرسیاری ئامادەبووانی دایەوە و گفتوگۆی نێوان نوسەر و ئامادەبوان بەڕێوەچوو.

 

بایۆگرافیای تریفە عەلی سەعید 

تریفە عەلی سەعید خەڵكی سلێمانییە و ئێستا لە شاری ڤانكۆڤەری كەنەدا دەژی، راوێژكاری دەرونییە بۆ تاك و هاوسەرەكان.

 

بەشی جوگرافیای زانكۆی سەڵاحەدین تەواو كردووە، بۆ ماوەی پێنج ساڵ كاری وانەبێژی كردووە و وانەكانی مێژوو و جوگرافیا و ئابوری لە هەرێمی كوردستان وتووەتەوە.

 

بۆ ماوەی زیاتر لە 10 ساڵ وەك نوسەر و داكۆكیكار لە مافەكانی ژنان لە سەنتەری ڕاگەیاندن و ڕوناكبیری ژنان كاریكردووە.

 

ساڵی 2007 كۆچ دەكات بۆ وڵاتی كەنەدا، دوای تەواوكردنی خوێندنی زمانی ئینگلیزی بۆ ماوەی دوو سالچ لە دۆگڵاس كۆلێژ لە ڤانكۆڤەری كەنەدا بابەتی زانستەكانی فێمێنیزمی خوێندووە، دواتر لە كۆلێژی گانكۆڤەر زانستی سایكۆلۆجی خوێندووە و ئێستا وەك ڕاوێژكاری دەروونی كاردەكات.

 

پلاتفۆڕمی دابڕان و فێمێنیزمی ڕۆشنگەری لەوەرزێكی نوێی چالاكیەكانیاندا، بانگەوازی دیالۆگە جیاوازەكانی ڕاگەیاندووە، سەكۆی جیاوازی، تەنها پێوەری دیالۆگی زانستی و ڕەخنەی ئازادە، تۆ دەتوانی جوانیی جیاوازیەكانت لەم سەكۆیەدا بخەیتەڕوو.

 

دابڕان، پلاتفۆرمێكی ڕۆشنگەریی سەربەخۆیە، تێدەكۆشێ، رەخنەی ئازادو ویژدان، ببنە بنەمای بیركردنەوەی كۆمەڵ، بەرەو گۆڕانكاری هەمەلایەنەی هزرو فەلسەفە و بیركردنەوەی كۆمەڵایەتی رۆشنگەرانە. گۆڕانكارییەك كە رای گشتی لە هەژمونی سەلەفیەت، سەربەست بێ.

نوێترین


کاریکاتێر

وێنەهەواڵ

© 2016 Dwryan.net. All Rights Reserved.