سەرەتا/ لەبارەی دابڕان/ پەیوەندی/

عەلی قەرەداغی: ئاسایكردنەوەی پەیوەندیی لەگەڵ ئیسرائیل حەرامە

29/11/2021


د.عەلی قەرەداغی ئەمینداری گشتیی یەكێتی جیهانیی زانایانی موسڵمان ئیدانەی ئاساییكردنەوەی پەیوەندیی وڵاتان لەگەڵ ئیسرائیل دەكات و دەڵێت "حەرامە و خیانەتێكی گەورەیە".

د.عەلی قەرەداغی لە نوێترین لێدوانی ڕۆژنامەوانیدا رایگەیاند"بەردەوام لەگەڵ ئەقسا و قودس و فەڵەستین دەمێنینەوە و دژی داگیركاری و ئاساییكردنەوەی پەیوەندییەكانین لەگەڵیدا، ئەو كارە لەلایەن هەر دەوڵەت یان گرووپێكەوە بێت، دەبێت سەركۆنە بكرێت".

ئەمینداری گشتیی یەكێتی جیهانیی زانایانی موسڵمان وتیشی "ئەوەی هەندێك لە وڵاتانی وەك ئیمارات و مەغریب دەستیان داوەتێ لە رۆچوونە پەیوەندیی و هەنگاوە كردەییەكان لەگەڵ كیانی زایۆنیی داگیركەر، كارێكی سەركۆنەكراوە و لەڕووی شەرعەوە حەرامە و خیانەتكردنە لە پەیمانی عومەری و سەڵاحی و مافەكانی گەلی فەڵەستینیش".

قەرەداغی ئاماژەی بەوەشكردوە، یەكێتی جیهانیی زانایانی موسڵمان پێشتر چەندین ڕاگەیەندراوێكی بۆ ئیدانەكردنی ئاساییكردنەوە لەگەڵ داگیركارانی قودس و ئەقسا و فەڵەستین دەركردوە و چەندین كۆنگرە و سیمیناری گرتووە بۆ دوپاتكردنەوەی لەپێشترێتی ئەم پرسە و حەرامیی ئاساییكردنەوەی پەیوەندییەكان، كە خیانەتێكی گەورەیە.

ساڵی رابردوو ژمارەیەك وڵاتی عەرەبی پەیوەندییەكانیان لەگەڵ ئیسرائیل ئاساییكردەوە و بەنێوەندگیری ئەمریكا رێكەوتنیان ئەنجامداوە.

نوێترین


کاریکاتێر

وێنەهەواڵ

© 2016 Dwryan.net. All Rights Reserved.