سەرەتا/ لەبارەی دابڕان/ پەیوەندی/

لەنێوان (پەرستن بۆ خودا) و (پەرستن بۆ خەڵك) دا

14/12/2021


 

 

 

حامد عبدالصمد 
وەرگێڕانی لە عەرەبییەوە: بابان حەمە 

 

لە ئاین و مەسەلە فیقهی و شەرعییەكاندا، شتێك هەیە ناوی (ڕیایی) یە، كە سی ڕیاباز یاخود ڕیاكار وەك تەمسیل نوێژدەكات و وەك خۆ نواندن و هەڵخەڵەتاندنی چاوی بەرامبەر پەرستش و خێر و نوێژ و ئەركە ئاینییەكانی وەك حەج و عومرەو ... تادوایی بەجێدەهێنێت .

 

ئێمە كارمان بەوەوە نییە كە ڕیاكار چۆنەو لە روی ئاینییەوە سزا و لێپێچینەوەكان و باقی تری شتەكانی تری چۆنەو چۆن نییە.. بەس كارمان تەنها بەوەیە كە بەو چەند دێڕەی سەرەوە بزانیین خودی ڕیاكاری چییەو چۆنە..

 

كەواتە زانیمان كەسی ڕیاكار ئاكت و تەمسیل و كردەوەو ئاكاری درۆینە دەخزێنێتە نێوان خۆی و خوداوە، بە مانایەكی تر كەسی ڕیاكار پەرستش و كاروكردەوەكەی بۆ خەڵكە نەك خودا..

 

لێكچوونێكی زۆر هەیە لەنێوان كەسی ریاكار و ئیسلامییە سیاسییەكان.. ئیسلام و ئاینی ئیسلام و ئاینپەروەری و ئایینداری، سروتێكی كەسی و نێوانەی تاكەكەس و خودایە .. وەك ئەو پەرستشەیە كە تەنها نێوانەی كەس و خودایە، كاری نییە بە رەوت و بزوتنەوەو باڵ و حزبی سیاسییەوە.. پەرستشێك ڕێك و ورد وەك ئەوەی (ئەبو حامیدی غەزالی) لە كتێبی (كیمیای بەختەوەری)دا لە زاری بەشیری حافی- ەوە بۆمان دەگێڕێتەوە دەڵێت: بۆ ئەبادان  دەڕۆشتم هەر لە ڕێگا كەسێكی گەڕ و گولم بینی لەشێت دەچوو.. لەسەر زەوی كەوتبوو جەستەیی مێروو تێیدابوو دەیانخوارد، زۆر بەزەییم پێدا هاتەوە.. دەستم برد و  سەریم بەرزكردەوە،  هۆشی هاتەوە هۆش خۆی و ووتی: ئەوە چ ناكەس بەچەیەك خۆی هاویشتە نێوان من و خوداوە؟

 

ئەوەی ئیسلامی سیاسی و حزب و باڵ و رەوت و بزوتنەوەكانی دەیكەن، لە بەناو میانڕەوترینیانەوە تا چەكدارییەكان و تا دەگاتە وەحشیگەرترینیانەوە كە داعش-ە، جۆرێكن لە ئاكت و نواندن، جۆرێكی ترە لە پەرستش بۆ ناخودا، پەرستن و پەرستش بۆ خەڵك .. بە هەمان ئەو تەفسیرەی كە ئیسلامییە جیهادی و تەكفیرییەكان تەكفیركردنی من و تۆ و كوشتنی من و تۆ ئەخەنە نێوان خۆیان و خوداوە، لە بری ئەوەی تەنها و تەنها پەرستش و پەرستن بخەنە نێوان خۆیان و خوداوە، ئیمانی خۆی بیر كردووەو حەقی هەیە بەسەر ئیمانی خەڵكی ترەوە، خوێنی خۆی لەیادكردووەو خەریكی رشتنی خوێنی ترە.. 

 

سەرچاوە: سایتی (الانوار)

نوێترین


کاریکاتێر

وێنەهەواڵ

© 2016 Dwryan.net. All Rights Reserved.