سەرەتا/ لەبارەی دابڕان/ پەیوەندی/

سوكایەتی و جوێندان بە ژن.. (وەك نەریتی هەندێك بانگخواز و پیاوانی ئاینی)

26/01/2022


سوكایەتی و جوێندان بە ژن.. (وەك نەریتی هەندێك بانگخواز و پیاوانی ئاینی)

 

وەفا سوڵتان 
وەرگێڕانی لە عەرەبییەوە:  بابان حەمە


خەریكە وەك شتێكی ئاسایی و رۆتیتی لێبێت! ئیدی هەر باس و خواس نەبوو، زۆر ئاسایی دەتوانیت بە بێ هیچ پەڕەو ئامادەكردنێكی ووتار و رەشنووسێك و دەستنووسێك، بچیتە سەر میمبەر، یاخود سەر كورسییەكی بەرزو و مایكرۆفۆنێك بگریت بەدەستەوەو سوكایتی بەژن بكەیت و جوێن بە ژن بدەین و چیت پێخۆش بوو پێیان بكەیت!


ئەمە خەریكە وەك نەریتێكی لێدێت! بووە بە شتێكی دانەبڕاو لە پیاوانی ئاینی و بانگخوازانی ئاین.. بەجۆرێك بەدەگمەن پیاوێكی ئاینی یان بانگخوازێك دەدۆزیتەوە، پیاوەكەت، مێردەكەت، براكەت، خزمەكەت، ئامۆزاكەت نەترسێنێت، دەزانن بە چی دەیترسێنێت؟ بە ژنەكەت، بەخوشكەكەت، بە بووكەكەت، بە كچەكەت، بە خزمەكەت، بە ئامۆزاكەت.. دەیترسێنێت.. 

چۆن دەیترسێنێت؟ دەترسێنێت كە ئەو ببێتە مایەی لەدەستدانی بەهەشتی ئەبەدی، دەترسێنێت كە ئەو ببێتە مایەی ئابڕوچونێكی حەتمی.. ئێ بێگومان ئابڕوو بە هەموو تەفسیراتێكی نێرانەی پیاوسالاریی و ئاینیی خۆی، ئابڕوییەك كە شمولی خۆی ناكات و شتێك نییە ناوی ئابڕوی پیاوبێت! 

جنێودان و سوكایەتیكردن بە ژن لای پیاوانی ئاینی و زۆربەی زۆری بانگخوازەكان، تەنها بەخۆیانەوە نەوەستاونەتەوە، بەڵكو بونە هاندانی ئەندامانی دیكەی كۆمەڵ و تاكی خێزانەكانیش، چوارچێوەت بۆ دائەتاشێ كە ئەگەر لە پۆشینی فڵانە بەرگی ژنەكەت، كچەكەت، خوشكەكەت بێدەنگ بوویت.. ئەوا تۆ پیاوێكیت (دەیوس - دیوپ)یت، دەیوس-یش ئەو مانا داتاشراوەیە كە تۆ شانازی بە جوانی و ئازادپۆشی و بیری ئازاد و بۆچوون و سەرپشككردن و بەخشینی دیموكراسیی دەكەیت بە خێزانەكەت، كچەكەت، ژنەكەت..

ئیدی ئەوەت بەسە كە پێت بڵێن ئابڕووت چووەو بێ ئابڕویت، چونكە بەتەفسیرێكی تر بێشەرەفیت و شەرەفت لەكەداربووە، چونكە شەرەف و پیاوەتی تۆ بە لێكدانەوەی پیاوانی ئاینیی و بانگخوازان، پەیوەستە بە ژن و كچ و خوشكەكەتەوە.. لە دەرەوەی ئابڕوی ئەوان شتێكی تر نییە ناوی ئابڕوو بێت .. 
ئێدی لێرەوە پیاو دەبێتە بێبەرییەكی ئاشكرا لە ئابڕوو، كە بە هیچ شێوەیەك قسەكردن لەسەر ئابڕووی پیاو بەبێ قسەكردن لەسەر عەیب و عاری ژن! نابێتە ئابڕوو.. پیاو دەبێتە كاراكتەرێك تەنها قسە لەسەر ئابڕووی ئەوی دی (ئەوی ژن) دەكات..
هەرچی دەنگبەرزكردنەوەو هاوار هاوار و جنێو و سوكایەتیش هەی تەنها و تەنها كورتیان كردۆتەوە لە یەك ووشەدا كە ئەویش (شەرەف)ە، بێئاگا لەوەی شەرەف لە هەرچ كولتورو بیرو باوەڕو لۆجیك و جوگرافیایەكدا مانایەكی تر و لێكدانەوەیەكی تری هەیە.. 

سەرچاوە: سایتی (ئەلئەنوار)

نوێترین


کاریکاتێر

وێنەهەواڵ

© 2016 Dwryan.net. All Rights Reserved.