سەرەتا/ لەبارەی دابڕان/ پەیوەندی/

تاڵەمووی ڕیشی پێغەمبەری ئیسلام دەردەهێنرێت بۆ باران بارین

26/04/2022


سەرپەرشتیاری خانەقای بیارەی شەریفا دەڵێت: سێ‌ تاڵ لەڕیشی پێغەمبەری ئیسلام لەخانەكەمان بوونی هەیە، لە شەوی 27ی ڕەمەزانەدا دەریدەهێنین، پشت بەخوای گەورە وڵاتەكەمان نەجاتی دەبێت لەوشكە ساڵی و بێ‌ بارانی.

فاخر شەقڵاوەی، سەرپەرشتیاری خانەقاكەی بیارە ڕاگەیاند:  لەمەدرەسە و خانەقای بیارەی شەریفان، سێ‌ تاڵە مووی ڕیشی پێغەمبەری ئیسلام بوونی هەیە، كەپێی دەڵێن(محاسینی شەریفا) ئەم تاڵە موانە لەساڵی 40كاندا ئەو كاتە مەلا عەبدولكەریمی مودەریس مامۆستا بوە لەخانەقا، دەگێڕێتەوە ساڵێكی زۆر وشكە ساڵی بووە كاتێك ئەو سێ‌ تاڵە ڕیشەمان دەرهێنا (تەوەسولمان) پێكرد ئەوەندە باران باری، ئیحتیاجمان بەوە بویەوە، دووبارە دەری بهێنینەوە تاوەكوو لافاو زەرە نەدات.

وتیشی:خەڵكێكی زۆر داوای كردوە ئەو تاڵە موانە دەر بهێنین لەئەمساڵدا، ئێمەش سەروی خۆمان ئاگاداركردۆتەوە،بەرنامەمان وایە دەریبكەین ( تەوەسولی) پێبكەین پشت بەخوای گەورە وڵاتەكەمان نەجاتی بێت لەم وشكە ساڵیەو بێ‌ بارانیە.

سەبارەت بەكاتی دەرهێنانەكەشی ئاماژەی بەوەكرد، لەسەر داوای زۆربەیی خەڵكەكان و بنەماڵەیی حەزرەتی شێخە، ئەگەر بنەماڵەی حەزرەتی شێخ ئەوان ڕەزامەندی دەرببڕن ئەم شەوی 27ی ڕەمەزانەو لەشەوی لەیلەتولقەدر دەردەهێنرێت، خەڵك موشەرەف دەبێت بەزیارەتكردنی بۆ ئەوەی لەم وشكە ساڵیە ڕزگارمان بێت.

مزگەوت و مەدەرەسەی خانەقای بیارەی شەریفا، لەساڵی 1307ی كۆچی، بەرامبەر ساڵی 1889ی زاینی لەسەر دەستی شێخ عومەر زیائەدین دروستكراوە، لەوكاتەوە بەردەوام وانەی فەقێیایەتی تێدا دەخوێنرێت و چەندین زانای بەناوبانگی پێگەیاندوە.

نوێترین


کاریکاتێر

وێنەهەواڵ

© 2016 Dwryan.net. All Rights Reserved.