سەرەتا/ لەبارەی دابڕان/ پەیوەندی/

بانگخوازێكی توركیا لەبارەی هەدەپە فەتوایەك دەدات

پێش 1 هەفتە


ئەحمەد مەحمود ئونلو، بانگخواز و كەسایەتیی ئایینی ناسراوی توركیا كە بە جوبەلی ئەحمەد ناسراوە، داوا دەكات دەستبەجێ ناسنامە لەو كەسانە وەربگیرێتەوە كە دەنگیان بە هەدەپە داوە. 
 
جوبەلی ئەحمەد رۆژی 6ـی ئایاری 2022 لە هەژماری تایبەتی خۆی لە تۆڕی كۆمەڵایەتیی تویتەر تۆمارێكی ڤیدیۆیی خۆی بڵاوكردەوە كە شەوی پێش جەژن تۆمار كراوە و دەڵێت: "ئەگەر ناسنامە لەو كەسانە وەرنەگرنەوە كە پاڵپشتی ئەندامانی پەكەكە دەكەن و دەنگدەدەن بە هەدەپەی جوداخواز، ئەوا ناتوانن یەكپارچەیی نیشتمان بپارێزین و رێگری لە دابەشبون بكەن". 
 
مەراڵ دانش بێشتاش بریكاری سەرۆكی فراكسیۆنی هەدەپە و پەرلەمانتاری هەدەپە لە بازنەی سێرت هەمان رۆژ لە هەژماری تایبەتی خۆی لە تۆڕی كۆمەڵایەتیی تویتەر وەڵامی جوبەلی ئەحمەدی دایەوە و لە تویتێكدا نووسی: "هەدەپە تەنها هێزە ئەم میللەتە و ملیۆنان كەس رزگار بكات لە دەستی ئەو كەسانەی نكۆڵی لە ویستیان دەكەن". 
 
پارتی دیموكراتی گەلان (هەدەپە) سێیەمین گەورە فراكسیۆنی پەرلەمانی توركیایە و لە دوایین هەڵبژاردنی پەرلەمانیدا كە ساڵی 2018 بەڕێوەچوو، 11.7%ـی دەنگەكانی بردەوە و لە كۆی 600 كورسیی پەرلەمان، 67 كورسی بەدەستهێنا، بەڵام ئێستا خاوەن 58 كورسییە.
 
لەلایەن داواكاری گشتیی توركیاوە سكاڵانامە لەسەر هەدەپە تۆماركراوە و بە تۆمەتی پەیوەندی بە پەكەكە هەوڵی داخستنی دەدرێت. دۆسیەی روداوەكانی كۆبانێ كە لە 22ـەمین دادگەی سزا قورسەكانی ئەنقەرە بەڕێوەدەچێت و بە سەڵاحەدین دەمیرتاش و فیگەن یوكسەكداغ، هاوسەرۆكانی پێشووتری هەدەپەوە 108 ئەندام و بەرپرسی هەدەپە تێیدا دادگایی دەكرێن كە 22 كەسیان ئێستا لە زینداندان، وەك پاساوێك بۆ داخستنی هەدەپە ئاماژەی پێدەدرێ.

نوێترین


کاریکاتێر

وێنەهەواڵ

© 2016 Dwryan.net. All Rights Reserved.