سەرەتا/ لەبارەی دابڕان/ پەیوەندی/

حیجاب فەرزێكی گەورەیە
یان دەمامكی دینداری

10/05/2022


تایبەت بە سایتی دابڕان
ساڵانیكە ئیسلامییەكان چەندین بۆنەی جیاواز بۆ بەخشینی حیجاب و برەودان بە پۆشینی ڕێكدەخەن. 

 

یەكێك لە كارە سەرەكییەكانی ئیسلامییەكان بەرامبەر مێینە، بەڵكو سەرەكیترینی كارەكانیان، بریتییە لە هاندانیان بۆ پۆشینی حیجاب. 
لەم نێوەندەدا حیجاب بووە بە گرنگترین پایەی ئاینداری و، لە پێشینەترین بابەت بۆ مسۆگەركردنی گەیشتن بە ڕۆحانیبوونی ڕاستەقینە و، گرنگترین سەرەتا بۆ گرەنتی گەیشتن بە كڕۆكی ئەخلاق و ئاینداری!!

لە كاتێكدا كە بۆ كەسی هۆشیار بەڕوونی دیارە كە ئەم بابەتە بۆ بەخشینی مۆركێكی ئایدیۆلۆژی و دەمامكێكی دیارە بە كچ و ژنانی مسوڵمان، كت و مت هاوشێوەی هێشتنەوە و بەردانەوەی ڕیش لای ڕەگەزی پیاوە، كە ئەمانیش ڕیشیان كردووە بە نیشانەی خۆ جیاكردنەوە و ناسینەوەی هەوادارانی خۆیان!!

هەروەها لێرەدا پێویستە ئاوڕ لەو جۆرە پۆشاك و باڵاپۆشیە بدەینەوە كە ژنانی مسوڵمان لەمڕۆدا دەیپۆشن! سەروملی داپۆشراو و سمتی دەرپەڕیو و مەمكی قوتی ناو بۆدی تەسك!! واتە لە خوار سەریانەوە تەواوی جەستەیان و جل و بەرگەكانیان تەواو هاوشێوەی هی ئەو جۆرە ژنانەیە كە بە سفور و، هەندێكجار بە لادەر و بێباوەڕ و بێئابڕو ناویان دەبەن!

وەك دیارە ئەم چەشنە پۆشاكە سەبارەت بە پیاو كایگەرتر و سێكسیترە! لەو ڕووەوە كە ژنێك بەدی دەكات چەندە دەیەوێت خۆی داپۆشێت، چەند ئەوەندە مەیلی دەرخستنی هەیە!! 

لێرەدا ئەو پارادۆكسە بۆ هەستە سێكسییەكانی پیاو زۆر كایگەرترە! ئەمجۆرە پۆشاكە بە ڕوونی دەریدەخات كە خاوەنەكەی وەك ڕەمز و ڕۆتین لەچگەگەی پۆشیوە و، لە بنەڕەتدا دنیای دینداری نەناسیوە!

نوێترین


کاریکاتێر

وێنەهەواڵ

© 2016 Dwryan.net. All Rights Reserved.