سەرەتا/ لەبارەی دابڕان/ پەیوەندی/

تاقیكردنەوەی ئایینی پۆلی 12ی ئامادەیی كێشەی لێكەوتەوە

14/05/2022


دوای ئەوەی لەتاقیكردنەوەی پەروەردەی ئیسلامی پۆلی ١٢ لە كۆی 15 پرسیار 10 پرسیار باسی ئایینی ئێزدی دەكات، ئەمەش دەبێتە جێگای نیگەرانی و ڕەخنە لەوەزیری پەروەردە دەگیرێت، كەچۆن دەكرێت لەبابەتی ئایینی ئیسلام زۆرینەی پرسیارەكان لەسەر ئایینی تر بێت.

ئەنوەر سەباح،ڕۆژنامەنووس ڕاگەیاند،زۆرینەی خەڵكی كورد موسڵمانە چ پێویست دەكات بەم شێوەیە مامەڵە بكرێت تۆ بێی ئاینێكی كە،كە كەمینەن لە كوردستان بیكەیتە زۆرینە و دەرخواردنی ڕۆڵەی موسڵمانی كوردی بدەیت .

دەشڵێت:“وەزیری پەروەردە بەرپرسی یەكەمە، پێشم وایە بابەتێكی ئەنقەستە، ئێمە لەگەڵ ئەوەین سەرجەم ئایینەكان ڕێزی خۆیان پێبدرێت و ڕێزلێگیراویشن، بەڵام ناكرێت لەهەرێمێك كە لە ٩٠٪ی خەڵكەكەی موسڵمان بێت وەزارەتی پەروەردە لەبابەتی پەروەردەی ئیسلامی لەكۆی ١٥ پرسیار ١٠ پرسیار تایبەت بێت بەئایینی كەمینیەیەكی ناو هەرێم بێت”.

باسی لەوەشكرد، جێگای داخە كۆمەڵێك پرسیار لەپەروەردەی ئایین بێتەوە كەمترینی تایبەت بێت بەئیسلام، بەداخەوە ئەگەر سەیری كتێبی پەروەردەی ئایین بكەی بەزەییت بەئیسلامدا دێتەوە، كە هیچ بابەتێكی وەها نەماوە پەیوەندی بەئیسلام هەبێت.

ئەوەشی خستەڕوو، كارێكی باش نیە، هیوادارین حكومەت پێداچوونەوە بكات و لەسەر حیسابی هیچ ئایینێك ئایینێكی تر گەورەتر نەكات، بەڵكو ڕێز لەهەمووان بگرێت بەپێی قەبارەی خۆیان.

لای خۆشیەوە، عەبدولستار مەجید، ئەندامی پەڕلەمانی كوردستان لە فراكسیۆنی كۆمەڵ لە هەژماری خۆی لە فەیسبووك ڕایگەیاندووە، “ئەم دەسەڵاتە وەک چۆن ژیانی میللەتێکی بەم رۆژە رەشە گەیاندووە و سامانی تاک بەتاکی خەڵکی تاڵان کردووە، بەپیلان و بەرنامەیەکی خەتەرناک دەیەوێت ئەخلاق و پەروەردەی مناڵەکانیشمان بدزێت و بەلارێیدا ببات” .

ڕاشیگەیاندووە،تەنها شتێک جێی شانازی میللەتی ئێمە بێت،دینەکەیەتی، بەڵام ئەمانە هەنگاو بە هەنگاو ساڵانە لە هەوڵی دابڕینی پەروەردەن لە ئیسلام و پڕکردنی مێشکی قوتابییەکانمانە بە شتی پڕوپوچ !

 

خەڵك

نوێترین


کاریکاتێر

وێنەهەواڵ

© 2016 Dwryan.net. All Rights Reserved.