سەرەتا/ لەبارەی دابڕان/ پەیوەندی/

!ئایا ئەفغانستان خێڵی حەمە نییە بە گەورەیی؟

16/05/2022


دەپرسن بۆچی ئەفغانستان بە ئەمڕۆ گەشت؟

 

دیدار ئەنوەر

 

بۆچی خەڵکی ئەفغانستان ئێستا پەنجەی پەشیمانیان دەگەزن! منیش دەڵێم بیرکردنەوەی خەڵکەکەی هەر ئەو جۆرە حکومەتەی قابیلە، خوا کێونەبینێ بەفری تێ ناکا،
چەند ساڵێکی تریش حکومەتێکی وەکو تاڵیبان لەکوردستانە بێسنور و بێخاوەنەکەی خۆمان دروست دەبێت، جا ئینجا خەڵکی قەدری عافێت دەزانێت، جارێ خەڵکی ئەفغانستان لەکوێیانە!

 

ماوەیەکی تر ترشیات و ئاوی دەبەشیان لێ حەرام دەکرێت، هاکا دەستیان کرد بە حەلاق (سەرتاش)  کوشتن، زانکۆ دادەخرێ و تەکێ و مزگەوت ئاوەدان دەکرێتەوە، کوردستان ئەزمونێکی کەمی هەیە لەو بوارە لە خێڵی حەمە و هەڵەبجە، بەڵام ئەوە نەبوە بەڕابردوو چونکە ڕۆژانە بە چاوی خۆمان  حەملەی بە داعش بوون و بە تاڵیبان بوون لە کوردستان دەبینین و کەسیش نقەی لێوە نایات. 

 

ئاخر پێمان خۆشبێت یان نا ئیسلامی سیاسی ئێستا دەستی بەسەر هەموو سێکتەرەکانی داد، تەندرووستی ، پەروەردە ، خوێندنی باڵا، داگرتوە ، و زۆر بەخێرایش بەرهەمی ئەم دەست بەسەرداگرتنانە دەبینین. ئیدی وایە، نەوت و خاڵە گومرگیەکان و داهاتی ناوخۆ بۆ بەرپرسەکان، داد و پەروەردەو تەندروستی و خوێندنی باڵاش بۆ ئیسلامی سیاسی!

 

چاوەڕوانبن بە ماوەیەکی کەم بەرهەمەکەی دەبینن، هەروەکو چۆن خۆیان بەئاشکرا لە پایتەختی بەناو ڕۆشنبیریەوه  بە ڤیدیۆ مەلا و بانگ خوازەکانیان هاوار دەکەن بەم نزیکانە دەبینە باشترین قەساب بۆتان! یەکێکی تر دەڵێ سوکتان دەکەین!

 

لەبەرامبەردا بەرپرسەکان شەڕیانە لەسەر  داهات کۆکردنەوە و بە ئەستەمیش یەکێکیان لەخەمی نەتەوە، هزر، ژیان ،ڕۆشنبیری، پەروەردە، کۆمەڵدا نیە، باس باس نەوتەکەیەو  هیچی تر وا گازیشی هاتەسەر وهێنەدەی لەخەڵکی بێ ئاگا دەبن. جا کە نەوت و گاز بۆ بەرپرسان جێگەی حەشیش و تلیاک و ئەفیونی گرتەوە 
کەواتا دوو هەڵبژاردنمان لەبەردەستە:
ئەوروپا خۆت بگرە هاتم، 
یان 
هەموومان داعش بوونێک قەرزارین!

نوێترین


کاریکاتێر

وێنەهەواڵ

© 2016 Dwryan.net. All Rights Reserved.