سەرەتا/ لەبارەی دابڕان/ پەیوەندی/

یەكگرتووی ئیسلامیی و كێشەی كورد

پێش 2 هەفتە



د. حوسێن موحەممەد عەزیز

چەن وشەیەك ...

پێم وایە، پێوەندیی ئایینیی نێوان نەتەوەی كورد و هێزە ڕامیاریی و دەسەڵاتدارەكانی، هەر چوار دەوڵەتە داگیركەرەكەی (كوردستان) بە گشتیی و (فلەستین) بە تایبەتی، هێندە گرنگ نییە. چونكە گەر كوردیش بایەخی پێ بدا، ئەوا نەتەوەكانی فارس، توورك و عەرەب، بە هیچ شێوەیە، بایەخی پێ نادەن. لەبەرئەوەی ئەوان، لە ئەو ئاستە بەرزە مرۆیی، وێژدانیی، دادپەروەریی و ڕووناكبیرییەدا نین، وەك نەتەوەیەكی خاك داگیركراو و دابەشكراو، لە كێشە گرنگ و ڕەواكەی نەتەوەی كورد بڕوانن، بەڵكوو ئەوەتەی لە نێوچەكدا دەسەڵاتدارن، لە ڕوانگەی ڕەگەزپەرستیی، شۆڤێنیی، مەزنخوازیی و بیری قرچۆكی نەتەوەپەرستییەوە، لە كێشەی كورد دەڕوانن، لەسەر خاكی مێژوویی خۆمان، بە میوانمان دەزانن!

بەڵام ئایینی ئیسلام، وەك دێوجامەیەكی بەرژەوەندییەكانی خۆیان بەكاردێنن، هەست و هۆشی، ڕۆڵەكانی نەتەوەی كوردی پێ ڕاودەكەن. هەر هێندەش كوردیان دەوێ، وەك جاشبیرە ئیسلامییەكانی (كوردستان)، داكۆكیی لە نیشتمانی ئەو نەتەوانە و ئایینی ئیسلام بكەن، دژی ڕاپەڕین و شۆڕشەكانی نەتەوەكەی خۆیان بن. ئەگینا، هەرگیز مافی ئازادیی و سەربەخۆیی، بە نەتەوەی كورد ڕەوانابینن!

لەبەرئەوە دەبێ، سەركردایەتی پارتەكانی (كوردستان) بە گشتیی و باشووری وڵات بە تایبەتی، گوێ لە بانگەواز و داواكاریی، پارتە ئیسلامییەكانی (كوردستان) نەگرن، جیاوازیی لە نێوان كاری ڕامیاریی و نەتەوەیی، لەگەڵ كاری ئایینیی و خواپەرستیدا بكەن.

پێوەندیی نێوان تووركیا و ئیسرایل

جگە لە ئەوەی (تووركیا)، هەر لە ڕۆژی (14. 2. 1952)ەوە، ئەندامێكی كارای بلۆكی سەربازیی (ناتۆ)یە و ڕیزبەندییەكەشی، لە كۆی ئەندامانی بلۆكەكە، (14)یەمین دەوڵەتە. هەروەها زۆر لە مێژیشە، پێوەندیی بە دەوڵەتی (ئیسرایل)ەوە هەیە، یەكەمین دەوڵەتی ئیسلامییش بوو، ساڵی (1949)، دانی بەسەربەخۆیی (ئیسرایل)دا نا.

لەبەرئەوە هەر لە كۆنەوە، (تووركیا) وەك دەوڵەتێكی ئیسلامیی، یەكێ لە دەوڵەتە هاوپەیمانەكانی دەوڵەتی (ئیسرایل) بووە و ئێستەش، لە هەموو كاتێ پتر، پێوەندییەكی باشی ڕامیاریی، ئابووریی و گەشتوگوزارییان هەیە.

بۆیە (تووركیا) و (ئیسرایل) لە نێوچەكەدا، وەك دوو دۆستی ستراتیژیی وان، پێوەندییەكی مێژوویی، ئابووریی و ڕامیاریی كۆیاندەكاتەوە. تەنانەت ئەم پێوەندییەش، لە سەردەمی فەرمانڕەوایی پارتە نەتەوەیی ‌و سیكیۆلارەكانی (تووركیا)دا، هەر هەبووە و ئێستەش هەر بەردەوامە. چونكە (ئۆ‌ردووگان) كە بە ڕەچەڵەك جوویەكی (گورجی)یە، لە ساڵی (2008)ەوە، پڕۆژەیەكی ستراتیژیی ئابووریی هاوبەشی، لەگەڵ (ئیسرایل)دا مۆركردووە. هەروەها (تووركیا)، پێوەندییەكی بازرگانیی گەورەی بەهیزیشی، لەگەڵ (ئیسرایل)دا هەیه، تەنانەت ساڵی (2020)، بڕەكەی (6.4) ملیار دۆلار بوو. بە ئەو شێوەیەش، ئێستە (تووركیا) لەسەر ‌ئاستی جیهان، بە (6)‌مین دەوڵەتی هاوبەشی بازرگانیی (ئیسرائیل) دەژمێررێ‌. لە ڕووی گەشتیارییشەوە، پێوەندیی نێوان هەردوو دەوڵەت، ئاستێكی زۆر بەرزی هەیە.

بۆیە بە پاگەندەی (ئۆ‌ردووگان) نابێ، گوایە پشتیوانیی گەلی (فلەستین)‌ دەكا. بەڵكوو بە ئەم كارەی، تەنیا هەر دەیەوێ، هەست و سۆزی گەلانی مسوڵمان، بە لای خۆیدا راكێشێ! چونكە نه (‌تووركیا) و نە (ئۆ‌ردووگان)یش، بە هیچ شێوەیە، دۆستێكی ڕاستەقینەی گەلی عەرەبی (فلەستین) نین، وەك بانگەشەی بۆ دەكەن. بەڵام لەبەرئەوەی دەوڵەتێكی ئیسلامییە، عەرەب و موسوڵمانەكانی دیكە بە گشتیی، ئیسلامی ڕامیاریی بە تایبەتی، قڕوقەپیان لێ كردووە.

نوێترین


کاریکاتێر

وێنەهەواڵ

© 2016 Dwryan.net. All Rights Reserved.