سەرەتا/ لەبارەی دابڕان/ پەیوەندی/

بە ئاگاییەوە وێنەكان بگەیەنن

11/08/2022


كوێستان مەحەمەد

لەسەرەتای دەستپێكی ئەم بابەتەم دەمەوێت ئەوەتان پێ ڕاگەیەنم تكایە لە گفتووگۆكردندا ئاگاداری وێنەكان بن بە شێواوی مەیگەیەنن.

ئێمەی مرۆڤ گەر گوفتوگۆ لەسەر هەر بابەتێك یان هەر تۆیژێك بكەین وێنەی ئەو بابەتە یان ئەو توێژە پێش خودی كەسەكە یان بابەتەكە دەگەیەنین.

ئیستا دەچینەوە سەر مەبەستە سەرەكییەكە كە لەم بابەتەدا ئاماژەی پێدەدەم كە  توێژی ژنە.

لەوەتەی  ڕادەمێنم لەگەیاندنی وێنەی ژن لە كۆمەڵگەكەمدا تا ئەم چركەیش وێنە كێشێكم نەبینی بە جوانی مێینە وێنا بكات لێم دەگەن باس لە چ وێنەكێشانێك دەكەم لە ژندا هەڵبەتە مەبەستم لەماپی چەستەو روخساری ژن نیە بەڵكو  دەمەوێت بڵێم روحیەت و فیكری مێینە گوفتووگۆی جوانی لەسەر نەكراوە تا وێنایان بە رێكوپێكی بگەیەنرێت.

گەر دیقەت بەن لە سەرجەم پێگە خێزانی وكۆمەڵایەتییەكانی وەك پەروردە، ئاین، سیاسەت، یاسا، وە راگەیاندنەكان هیچیان كاریان بۆ ئەوە نەكردووە وێنەكێشێكی كارامە بن بۆ وێناكردنی مێینە لەگوفتوگۆ و راگەینراوەكانیاندا بە پێچەوانەوە هەمێشە خراپترین وێنەكێش بوون تا ئەم كارەكتەرەی كە ناوی مێنەیەو دواتر ژن  بەناشێاوترین شێواز ببینرێت كە بچوكترین ماف بە ڕەوا نەبینن بۆ ئەم توێژە جگە لە مۆڵگەیەكی گەمارۆدراو بە سێكس و وەچە خستنەوە.

ئەوەی كراوە بە پێچەوانەوە وێناكردنی جەستە و ڕوخسارێتی كە لە تێفكرینی مرۆڤایەتیدا هەمان ئەو ناشیرینی وێناكردنەیە كە ئیستا قسەی لەسەر دەكەین كە هەر ئەم جەستە و روخسارە كراوەتە دۆخێك كە ژن داپۆشرێت لە هەموو ڕویەكەوە بە رادەێك بكرێتە كریستاڵ یان شوشە كە بەیەك پارچەبەردی بچووكی كۆمەڵگە بشكێت و وردووخاش بێت.

لێرەوە تاكی گوێگر دیسانەوە دەبێتە بڕیاردەرێكی بێ بەڵگە لەسەر وێنە شێواوەكە كە تەواوی مافەكان بە مافی ئەو نەزانێت لە سەرجەم هەڵبژاردنەكانی ژیانیدا لەخۆشەویستیەوە تاهاوسەرگیری تاكارو سەفەرو  لەبەركردن و رۆیشتن.

هەر بۆ ئەوەی گەر بمانەوێت ئەم وێنەیە لە ناشیرینی دەر بێنین دەبێت لەسەرەتادا وێنەكێشەكانمان لە رووی فیكرەوە هۆشمەندبن تا وێنەكان بە دروستی بكێشن.

گەر لە پانتاییەكی فراوانترەوە گفتوگۆ لەسەر ئەم بابەتە بكەینەوە خودی ژن گەر بە ئاگاییەوە ڕێچكەی مێینەبوونی خۆی نەگرتبێت هەمان وێنای هەڵە دەگەیەنێت هەر لە مامۆستایەكەوە تا ڕاگەیاندكارێك تا چالاكوان و سیاسییەك ڕەنگو هەنگاو و دەنگی ژن دەشێوێنێت ئەمە لەكاتێكدا تەواوی كۆمەڵگەكەمان كەوتونەتە شێواندنی وێنای یەكتر لە ژنو مێردێكەوە بگرە تا دەگاتە ئاستی سیاسییەكان هەمان كردە ئەنجام دەدەن.

لەكۆتا وشەكانمدا بە ئێوەی خوێنەر دەڵێم تكایە ئاگاتان لە گەیاندنی وێنەكان بێت نوقتە سەری دێر.

نوێترین


کاریکاتێر

وێنەهەواڵ

© 2016 Dwryan.net. All Rights Reserved.