سەرەتا/ لەبارەی دابڕان/ پەیوەندی/

بۆ د.عەبدولواحد كە دەڵێ مەككە لە كوردستان موقەدەسترە

13/08/2022



د.عەبدولڕەحمان مەولود
پرۆفسۆری یاریدەدەر، زانكۆی لۆریە، واترلو، كەنەدا


د.عەبدولواحید لەوتارێكدا دەڵێ مەككە لە كوردستان موقەدەسترە، كاكی پزیشك، هەر شوێنە و قودسیەتی خۆی هەیە و هەندێ بەراوردكاریش هەیە ناكرێت، هەموو ئایینە ئاسمانیەكان خۆشەویستی بۆ نیشتمان بەتەكمیلەی ئیمان دادەنێن، دیارە مەككەش موقەدەسە لەلایەن ملیۆنان مرۆڤی ئەم سەرزەمینە، بەڵام ئەم بەراوردكاریەی تۆ كردوتە لەشوێنی خۆیدا نییە.

بەراوردكاری كارێكی زانستیە، منداڵان لە قوتابخانەی سەرەتایی فێری ئەم زانستە دەكرێن كاتێك پێیان دەڵێن شتی یەك بابەت ‌و لەیەكچو بەیەكەوە بەراورد دەكرێن، هەربۆیە لە قۆناغی سەرەتایی، قوتابیان فێردەكرێن كە سێو و پرتەقاڵ بەیەكەوە بەراورد نەكەن.

كاتێك قوتابی دەیەوێت نرخی  كیلۆیەك سێو لە نیوان دوو دوكاندار بەراورد بكات، ئەگەر كیلۆی سێو لای دوكانداری یەكەم پێنج دینار بێت ‌و لای دوەمەیش چوار دینار بێت، ئەوا دوكانداری دوەم سێوەكەی لە ڕووی نرخەوە هەرزانترە لە یەكەم، ئەگەر قوتابی بێت ‌و بڵێی نرخی كیلۆیەك سێو لای دوكاندارێك پێنج دینارە و پرتەقاڵیش لای یەكتری چوار دینارە، ئەوەش مانای ئەوەیە كە نرخ لای دوكانداری دوەم هەرزانتر، ئەوا ئیتر هەموان دەزانن ئەم قوتابییە هیشا لە زانستی بەراوردكاری تێنەگەیشتوە، دوو شتی جیاواز بەیەكی بەراورد كردوە.

كوردستان شارێك نییە تاكو بەراوردی بكەی بەمەككە، كوردستان كۆمەڵە شارێكە، ئەمە هەڵەی یەكەم لێرەدا جەنابتان كۆ بەتاك بەراورد دەكەن.

كوردستان شوێنێكی پیرۆزی ئایینی نییە تاكو بەراوردی بكەی بەمەككە، تۆ دەتوانی مەككە و مەدینە بەراورد بكەی بەیەك، دەتوانی نەجەف ‌و مەككە بەراورد بكەی، دەتوانی قودس ‌و مەككە بەراورد بكەی، دەتوانی فاتیكان ‌و مەككە بەراورد بكەی، دەتوانی كەربەلا و مەككە بەراورد بكەی، لەم هەموو ئەم بەراوردكاریانەش ئەنجامگیریی بكەی، بەڵام كوردستان كۆمەڵە شارێكە و هیچ شارێكیش شاری ئایینی نییە كە ئیمانداران لەسەرتاسەری دونیا ڕووی تێبكەن تاكو بێیت‌ و بەراوردیان بكەی. ئەمش هەڵەی دووەم، كاكی پزیشك لەم گۆیی زەوەیە كوردستان تاكە ناوچەی وڵاتی ئیسلامی نییە.

لەو وڵاتانەی سەدان ساڵە وڵاتن ‌و ئیسلامین، نوسەرەكانیان‌ و قسەكەراكانیان خۆ دەپارێزن لەبابەتی وروژێنەر، ئەم خۆپاراستن ‌و هەستكردن بەمەسئولیەتە لەلایەن قسەكەرانی كوردستان، ئەوانەی وڵاتی خۆیان خۆشدەوێت، ئەوانەی خۆشەویستی نیشتمان بەتەكمیلەی ئاینەكەیان دەزانن، پێوستە سەدبارە بێت بەهۆی ئەو هەلومەرجەی كوردستانی پێدا تێپەڕیوەو تێدەپەڕێت.
 
هەر بەڕاست جەنابتان بەم كارانەتان پێتانوایە خزمەت بەدینەكەت دەكەیت؟ كوردستان لەسەد ساڵی ڕابردوو خوێنی لەبەر دەڕوات‌ و دەیان هەزار خێزانی بەتەواوی فەوتان و لە فیداكاریان دژی داگیركەرانی كوردستان ‌و سەدان هەزار شەهیدمان هەیە، جەنابیشتان  دێیت‌ و بەسەرپێیی كوردستان بەمەككە بەروارد دەكەی كە ناكرێت، پێشتوابێت بەم كارانەتان خۆشەویستی ئاینەكەت لای خەڵكی كورد زیاد دەكەیت ئەوا هەڵەی.

مرۆڤ لەژیاندا دەتوانێ لەیەك كاتدا زۆر شتی لەلا موقەدەس ‌و خۆشەوێست بێت، بێ ئەوەی پلەی یەك‌ و دویان بۆ دابنێ، بێئەوەی پێوست بێت یەكێكیان هەڵبژێریت. من پێموایە ئیمانداریی كورد، هەمو تاكی كورد، نیەتی ئەمجۆرە وتارانە و ئەمجۆرە كەسانە دەزانێ.

نوێترین


کاریکاتێر

وێنەهەواڵ

© 2016 Dwryan.net. All Rights Reserved.