سەرەتا/ لەبارەی دابڕان/ پەیوەندی/

مەلا هەورامان گەچینەیی ... ئەمە وەرزشە.. نەك شەڕە مەزهەب!!

پێش 2 هەفتە


مەلا گەچینەیی، كە هیچ لە وەرزش نازانێ و ئەگەر فشاری بەریتەسەر، بە (بدعە) و كفریشی دەزانێ.. بردنەوەیەك، بەرامبەر تیپی ئەرجەنتین، شادەماری مەزهەبیەكەی دەجوڵێنێ و دەیەوێ پێمان بڵێ: ئیسلام لە مەسیحی بردەوە!!

لەوبارەیەوە ئەم وتارە دەخوێننەوە:

مەلا هەورامان گەچینەیی
ئەمە وەرزشە.. نەك شەڕە مەزهەب!!

ئازاد عەلی


مەلا هەورامان گەچینەیی، پیرۆزباییەكی مەزهەبی لە تیپی وەرزشی سعودیە كردووە و سەركەوتنی تیپی سعودیەی بەستۆتەوە بە (بلاد الحرمین) جارێ ناوی بلاد ‌الحرمین، كوت و مت ئاینییە و بۆ ئاینی خودا ناسیە لە زەمانی پێخەمبەر براهیمەوە بۆ پێخەمبەر محەمەد! ئەگەر بە دوعاو نزابوایە، ئەگەر بە نوشتەی مەلاكان بوایە، دەبوایە سعودیە لە هەموو یاریەك یەكەمبێ.

دەی مەلای گەچینەیی، ئەگەر بە دوعای تۆبێ، فەرموو ببە ڕاهێنەری هەڵبژاردەی سعودیە، بەڵكو لەبری بردنەوەی یاری.. بیانكەیتە سەلەفی!!

ڕاهێنەری تیپی (بلاد الحرمین) ئیسلامی نییە. یاریدەدەرەكانیشی هەروەها. یاسای فوتبۆڵێن دەوڵەتەكانی ئیسلامی دایان نەناوە، داوەرەكەشیان ئیسلامی نییە. چ جای مەزهەبی بن!!

تكایە.. بواری وەرزشیش مەكەنە گۆڕەپانی ململانێی ئاینی.

وەرزش.. بوارێكی شارستانی ئەهلیە. داهێنراوی شارستانیەتی مەسیحیە. كەچی مەسیحەكان هەرگیز بەهۆی ئاینەكەیانەوە شانازی بە وەرزشەوە ناكەن، كەچی مەلای گەچینەیی، كە هیچ لە وەرزش نازانێ و ئەگەر فشاری بەریتەسەر، بە (بدعە) و كفریشی دەزانێ.. بردنەوەیەك، بەرامبەر تیپی ئەرجەنتین، شادەماری مەزهەبیەكەی دەجوڵێنێ و دەیەوێ پێمان بڵێ: ئیسلام لە مەسیحی بردەوە!!

نوێترین


کاریکاتێر

وێنەهەواڵ

© 2016 Dwryan.net. All Rights Reserved.