سەرەتا/ لەبارەی دابڕان/ پەیوەندی/

بۆ مەلا بەڕێزەكان

01/12/2022



ئەحمەدی مەلا

" ئەوەی هی قەیسەرە بیدەرەوە بە قەیسەر، ئەوەی هی خوداشە، بیدەرەوە بە خودا."
( مارقوس، مەتا، لوقا) 

ئەم وتە بەناوبانگە لە سێ ئینجیلدا هاتووە كە بە تەواویی سنووریی دنیا لە سنووری ئاین جیا دەكاتەوە كە دواتر، لە سەردەمی نوێدا، بە عەلمانییەت ناوی دەهێنرێت كە لە لایەن چەواشەكەرانی دین و دنیا خەڵكی پێ فریو دەدرێت كە گوایە عەلمانییەت واتە ئیلحاد.

پیاوانی ئاین، پیاوانی خودان، خوداش نە گوزارشت لە قۆناغێك دەكات، نە لەسەردەمێك، نە لە رەنگێك، نە لە زمان و سنوورێك، بەڵكو ئاماژەیەكی ئەبەدییە بۆ عەدالەتێكی ئیلاهیی كە مرۆڤەكان لێپرسراون لە جێبەجێكردنی.

دەسەڵاتی دنیا، دەسەڵاتێكی جێگۆرە، یەك رەنگ نییە، پڕییەتی خۆگونجاندن و خۆراهێنان بۆ ئەوەی دەسەڵات خۆی لەگەڵ دنیادا بگونجێنێ، ئابووریی، یاسایی، بەڕێوەبردن، دییبلۆماسیی، كەوتن و هەڵسانەوە، هەڵەكردن و پڕۆپاگەندە، گەوجاندن و ئامێر و ئاداتەكانی دیكە كە پەیوەستە بە رۆحی سیاسەتەوە.

ئەم سیاسەتە بوو بە بەرگی چەندین حیزبی ئیسلامیی كە ئامانجەكانیان، هەمان ئامانجی سیاسییەكانە، بەڵام ئەمان خودا و ئاین دەكەن بە داردەست، وەك پردی پەڕینەوە بەكاریدەهێنن بۆ ئەوەی جڵەوی سیاسەتی دنیا بگرنە دەست، وەك لە كۆماری ئیسلامی ئێران، لە ئەفغانستانی تالیبان، لە توركیای ئاكەپە..هتد بەڵام، ئاین گرێبەستێكی زۆر قووڵترە لەوەی بكرێت بە دەسكەلا، ببێ بە كەرەسەیەكی گەمەكاریی بۆ دەسەڵاتێكی كورتبڕ و كورتبین.

هەموو دەسەڵاتێك بە ناوی ئاینەوە قسەی كرد، چەواشەكارە، هەموو ئاینێك ویستی دەسەڵاتی هەبێت، ستەمكارە.

بۆیە، تێكەڵكردنی ئەم دوو دنیابینییە هەم لە رووی سیاسییەوە ئامانجی خۆی ناپێكێ، وەك نموونەكانی سەرەوە، هەم لە رووی ئاینیشییەوە ناتوانێت بە بێگەردیی پەیامی خۆی بڵاوبكاتەوە.

دواجار پەیامی خودا دەبێ لە زەرفێكی سەد و پەنجا هەزاریی زۆر زیاتر بێ و...

نوێترین


کاریکاتێر

وێنەهەواڵ

© 2016 Dwryan.net. All Rights Reserved.