سەرەتا/ لەبارەی دابڕان/ پەیوەندی/

دینبازەكان شوێنی مەلای بەڕێز و نیشتمانپەروەریان لێژ كردووە!!!!

پێش 1 هەفتە


یاسین حەمە

جاران، مەلای نیشتمانپەروەر هەبوو،بەڵام دینباز نەبوو!!! كۆمەڵگە بەڕەوشت و بەڕێز بوو، زۆربەی خەڵكی یەكتریان خۆش دەویست!!! هیچ كەس، كەسی بە كافر نەدەزانی!!! كەسیش نەیدەویست كەسی تر بەناوی دین و خوداوە سەرببڕێت!!!! وە كەسیش بەكەنیزە نەدەكرا!!!! وە كەنیزەی سێكسیش لە بازاڕی دینبازەكاندا نەدەفرۆشرا!!! خەڵكی بۆخۆی نوێژی دەكرد، نەك بۆ دینبازەكان یان بۆ ڕوكەش و درۆ و خەڵك هەڵخەڵەتاندن!!!!!!!

جاران نوێژكردن پەیوەندییەكی ڕۆحی بوو لە نێوان مرۆڤەكە و خودای خۆی دا!!! واتە خەڵكی بە ویستی خۆی، خودای خۆی  دەپەرست ( ئینجا هەر خودایەك بوایە)!!! وە مرۆڤەكان وایان دەزانی كە خوداش ئەوان دەپارێزێت!!! بەڵام ئێستا دینبازی سیاسی هاتووە!!! وا دەزانێت كە خودا بێ دەستەڵاتە و ناتوانێت خۆی و دینەكەی بپارێزێت!!!! بۆیە دینبازەكان، دەبێت خودا و ئاینەكەی، بپارێزن!!!! دینبازەكان هەموو شتێك دەكەن و ووتاری ئاگرین دەدەن، لەبەرژەوەندی كورسی و گیرفان و ناوگەڵیان!!!! هەر وەك ئەردوغان و عەمامە بەسەرەكانی ئێران و عێراق و دینبازەكانی كوردستان كە پارە لە سعودیەو قەتەر وەردەگرن، بۆ ژەهراویكردنی كەلتوری كوردی!!! ئەو دینبازانەش بازاڕیان گەرم دەبێت،كاتێك خەڵكی هەژار و برسی و بێ هیوا بێت!!!!

تۆبڵێی خودایەكی گەورە، كە دەتوانێت دوژمنەكانی خۆی لەناوبەرێت، پێویستی بەچەند دینبازێكی هەژار و برسی و گێل بێت!!! هەتا خودا بپارێزن؟؟؟ ئەوەی سەیریشە، ئەوەیە كە خودا بە نۆ مانگ مرۆڤێك دروست دەكات، كەچی دینبازەكان بەناوی خوداوە بە نۆ چركە ملی دەپەڕێنن!!!! ئینجا لێرەدا پرسیارەكە لەوەدایە، كێ بەهێزترە؟؟؟ خودا یان دینبازەكان؟؟؟؟؟  ئای كە بە ئازارە!!!! كوا لۆژیك و عەقڵ و زانست؟؟؟ ئامان ئێوە لەكوێن؟؟؟

نوێترین


کاریکاتێر

وێنەهەواڵ

© 2016 Dwryan.net. All Rights Reserved.