سالار مەحمود
نەورۆز جەژنی نەتەوەیی و نیشتمانیمانە، نەك هەر كورد گەلانی موسلمان و دونیا بەڕێزو گەرمیەوە پێشوازی لێ دەكەن. بۆ كورد تایبەتمەندیەكی زیاتری هەیەو، هێمای خەبات و هیوای سەركەوتنە.
پرسیارێكی برایانەو گلەییەكی دۆستانە لە زۆرێك لە زانایانی موسڵمانی خۆمان و كەناڵە راگەیاندنە ئیسلامیەكان و بەشێك لەسەركردە ئیسلامیەكان دەكەم. بۆ لەم بۆنەیەدا خۆیان بێدەنگ دەكەن و هاوبەشی خەڵك ناكەن بە پەیامێك؟
گەرچی كەسایەتی و لایەنی غەیرە ئیسلامیش هەن، تەنیا بە دروشم و بۆ مەرامی كەسی و خۆ نواندن باسی ئەم جەژنە نەتەوەیی و نیشتمانیە دەكەن!
ئەوەتا هێشتا دوژمنانی كورد لەكاتی ئاهەنگی نەورۆزدا پەلاماری هاوڵاتیان دەدەن و شەهیدیان دەكەن. ئەم گلەیی نامەیەم وەكو خۆی وەربگیرێ و هەست پێكراوە. جێگای رامان و ئەسەفێكی زۆرە.
با بەشێك لە زانایان و لایەنەكانی ئیسلامی دەرسێك لە عەلامە مامۆستا عەبدولكەریمی مودەڕیس وەربگرن. ئەم بۆنە هیچ دژایەتیەكی لەگەڵ ئاینەكەمان، ئاینی پیرۆزی ئیسلام نیە.
ئەم جەژنە دێرینە هی هەموانە هی موڵكی گەلە. هیچ كەس و لایەنێك خاوەنی نیە. باقی وەسەلام..