رۆبۆتی تایتان باڵای 2.4 مەترە. وەک گەورەترین کۆمیدیکاری سەر هەسارەی ئەرز لێی دەڕوانرێت کە کۆمیدی، شانۆی سەر شەقام و مۆسیقا تێهەڵکێش دەکات و بینەرانی سەرگەرم دەکات. کۆمپیانیاکان و ناوەندە گەورەکانی شمەک فڕۆشتن و مۆڵەکان بۆ زیاتر سەرنجڕاکێشانی کڕیارەکان و قەرەباڵخکردنی ناوەندەکانیان سود لە رۆبۆتی تایتان دەبینین. 
رۆبۆتی تایتان لە تەنیشت فیگەرە ناودارەکانی وەک ویل سیمس، ریهانا، جاکی شان و ئێمی‌نێم ... هتد خەریکی چالاکییە و لە وڵاتە جیاوازەکانی وەک ئەمریکا، ئوسترالیا، تایلەند، عەمان، چین، قەتەر، ڤێتنام، ئیرلەند، ئیسپانیا، فەڕانسا، هۆڵندا، ئەڵمان، چیک، تورکیا و دانیمارک دەرکەوتووە و وەک فیگەرێکی خاوەن ناوبانگی جیهانی تەمەشا دەکرێت.